YOHANES 8:52 - Alkitab Singog In Mongondow Masa In Tanaa

⁵² Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

YOHANES 8:52 ပူးပေါင်းရင်းမြစ်များ

MATIUS 11:18

Ki Yohanes namangoi, sia in nopuasa bo diá nonginum kon anggur, táe kai monimu sia in kinotoḷangan in dimbuḷó.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

YOHANES 17:6

Pinotaau-Kudon in ki Amá kon bayongan in intau kon dunia naa inta ain inogoi i Amá kon i-Nakó. Ki Amábí in kitogi kon i monia tua, bo ki Amábí doman in nobogoi kon monia tua kon i-Nakó. Mosia in dinumuduidon kon singog i Amá.

YOHANES 7:20

Intau moantó kon tua in notubag: “Nobundai Iko! Ki inebí in moibog moḻimod kon ini-Mu?”

YOHANES 8:22

Dá itoi mita in Yahudi in noguman, “Degá bo ḻimimodbí tontaní in Sia nion, sin Sia in moguman, ‘Tampat inta bayáan-Ku, diá kodapotan monimu.’ ”

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 8:51

Naa in poguman-Ku kon i monimu, inta dumudui kon singog-Ku, sia in diá bidon kawasaan in popatoi.”

YOHANES 8:55

bokaka diá nokanal monimu in Sia. Aka Akuoi in moguman kon diá kinotaauan-Ku in Sia, dá mouboḷ in Akuoi ná moiko. Kinotaauan-Kubí in Sia bo Akuoi in dinumuduibí kon singog-Nea.

YOHANES 9:24

Bo mosia in buidon nogoiní kon intau inta kon iná nobilog tatua, bo noguman kon inia, “Pongibotdon kon iko in mogumanbí kon totuu. Kinotaauan nami kon intau tatua intaubí binaradosa.”

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.