YOHANES 8:43 - Alkitab Singog In Mongondow Masa In Tanaa

⁴³ Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

YOHANES 8:43 ပူးပေါင်းရင်းမြစ်များ

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YESAYA 6:9

Bo Sia in nopotabá kon inakó mayá modia kon koyow tanaa potaau kon umat: “Moiko in umuranbí mokodongog, táe diábí momangaḻe. Moiko in umuranbí monondudut, táe diábí monotaau mongo onu in mobaḻí.”

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

MIKHA 4:12

Táe bangusa mita tatua in diábí nonotaau kon onu inta sinomayá i Tuhan. Diábí kinotaauan monia kon mosia tua in sinipun-Neadon sin hukumon, notongkai in gandum sinipun sin ḻintogon.

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

YOHANES 5:25

Pirisayadon: Moiangoibí in wakutunea, sedang bo noiangoi bidon, kon intau minatoi in mokodongogbí kon singog i Adí Allah. Bo intau inta mokodongog in mobiagbí.

YOHANES 5:43

Akuoi namangoi takin kawasa i Amá-Ku, táe moiko in doí motarima kon i-Nakó. Táe aka intau ibanea in mamangoi kon i monimu takin kawasanea tontaní yo tarimaan monimu in sia.

YOHANES 6:60

Naonda in nokodongog kon singog mita i Yesus tatua, nobayong kon sigad in murí-Nea mita in noguman, “Totundú tanaa totuu mobogat. Ki inebí in mokomampu in motarima kon tua!”

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

YOHANES 8:27

Diá kinomangaḻean monia kon Sia tua in koyogotbí mongonguman kon i monia soaḷ ki Amá.

YOHANES 8:33

Mosia in noguman, “Kami naa in buíbí i Abraham, kami in diápabí dodai onda in nobaḻí ata i inekadon! Yo onu i makusud-Mu in moguman, ‘Moiko in poḷuatonbí’?”

YOHANES 8:39

Mosia in notubag, “Ki amá nami in ki Abraham.” “Aka moiko bo totu-totuu ki adí i Abraham,” guman i Yesus, “pastibí kon aidanbí monimu in onu inta inaidan i Abraham.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

SURAT I PAULUS KON JAMAAT RUM 3:11

diábí tobatúmai intau inta nomangarti bo diábí doman tobatúmai in intau in nosumba kon i Allah.