YOHANES 8:37 - Alkitab Singog In Mongondow Masa In Tanaa

³⁷ Kinotaauan-Kubí kon moiko nion in buíbí i Abraham. Tongá moiko in moḷongasi moḻimod kon i-Nakó, popisí in moiko doí motarima kon totundú-Ku.

YOHANES 8:37 ပူးပေါင်းရင်းမြစ်များ

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

YOHANES 10:31

Bo intau mita in Yahudi nogamá kon batu sin pogandur kon i Yesus.

YOHANES 11:53

Mulaidon singgai tua itoi mita in Yahudi noyopakat kon moḻimod kon i Yesus.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

YOHANES 7:25

Noiduduimai kon tua, degá tongonumai intau in Yerusalem in noguman, “Sia naa degá inta taya-tayakonmai in intau sin ḻimodon?

YOHANES 8:33

Mosia in noguman, “Kami naa in buíbí i Abraham, kami in diápabí dodai onda in nobaḻí ata i inekadon! Yo onu i makusud-Mu in moguman, ‘Moiko in poḷuatonbí’?”

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

YOHANES 8:56

Ki amá monimu in ki Abraham nopia totok in ginanea sin sia mokoontong kon singgai-Ku. Sia in nokoontongdon bo nopiadon in ginanea!”

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

YOHANES 8:6

Ḷoḻibó monia tua in potayakanbí monia kon taḷá i Yesus, sinbá oyúon in baḻíon monia dodoyonan popotaḷáan kon i-Nia. Táe ki Yesus tongá kinumuyung bo nopomais in tononuyú-Nea kon butá.

OUMAN IN RASUL MITA 13:26

Utatku mita inta buí i Abraham bo utat mita ibanea inta motoguondok kon i Allah! Habar inta mokosaḷamat aindon pinoyaput kon inaton;

SURAT I PAULUS KON JAMAAT RUM 9:7

Deemanbí doman komintan buí i Abraham in nobaḻí ki adí mita i Allah. Sin ki Allah ain noguman kon i Abraham nanaa, “Tongábí buí i Ishak in tangoion buímu.”

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

YOHANES 1 2:14

Uḻe Adíku mita, akuoi in nomais kon naa kon i monimu, sin moiko in nonotaaudon kon i Amá. Pinaisku in naa kon i monimu amá mita, sin moiko in nonotaaudon kon i-Nia inta oyúondon nongkon pinomangkoianmai. Pinaisku in naa kon i monimu intau mita inta nongobagupa, sin moiko in moropot. Singog i Allah noitonop kon bonu in ginamu, bo sinaḷowdon monimu ki Inta Moraat.