YOHANES 8:26 - Alkitab Singog In Mongondow Masa In Tanaa

²⁶ Mobayongpabí in musti poguman-Ku bo hakimon-Ku soaḷ moiko nion. Táe Sia inta nopotabá kon i-Nakó in diábí mouboḷ. Bo Akuoi in mopotaau kon dunia naa onu inta dinongog-Ku nongkon i-Nia.”

YOHANES 8:26 ပူးပေါင်းရင်းမြစ်များ

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 16:12

Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

YOHANES 3:11

Pirisayadon: Kami in mosingog kon onu inta kinotaauan nami, bo tongábí doman onu inta ain inontong nami tua in potaau nami; táe moiko in doí motarima kon onu in pinotaau nami.

YOHANES 7:16

Ki Yesus in notubag, “Onu in sinundú-Ku naa in deemanbí totundú-Ku, táe totundúbí i-Nia inta nopotabá mangoi kon i-Nakó.

YOHANES 7:28

Wakutu in ki Yesus koyogot mobogoimai in totundú kon bonu in Baḷoi Tuhan, Sia in nosingog noropot, kai-Nia, “Dá kinotaauan bidon monimu mongo ki ine in Akuoi naa bo kinotaauan bidon monimu in asaḷ usuḷ-Ku? Tongá bá kotaauan monimu, kon deemanbí ibog-Ku tontaní in namangoi. Akuoi naa in pinotabábí i-Nia inta Mobanar, táe diá kinotaauan monimu in Sia.

YOHANES 8:25

Mosia in noḻibó bui, “Sabanarnea ki inebí Iko nion?” Ki Yesus in notubag, “Onupabí in mangaḻe mongonguman takin monimu nion!

YOHANES 8:27

Diá kinomangaḻean monia kon Sia tua in koyogotbí mongonguman kon i monia soaḷ ki Amá.

YOHANES 8:40

Akuoi in mopotaau in onu in totuu kon inimu inta ain dinongog-Ku nongkon i Allah, táe ḷongasion monimu ḻimodon in Akuoi. Ki Abraham in diábí mogaid kon natua!

KORINTUS 2 1:18

Totuu uḻe! Podoyon kon i Allah inta motaau pirisayaan, dandiku kon i monimu in deemanbí soaḷ “Oo” andeka “Diá”.