YOHANES 8:22 - Alkitab Singog In Mongondow Masa In Tanaa

²² Dá itoi mita in Yahudi in noguman, “Degá bo ḻimimodbí tontaní in Sia nion, sin Sia in moguman, ‘Tampat inta bayáan-Ku, diá kodapotan monimu.’ ”

YOHANES 8:22 ပူးပေါင်းရင်းမြစ်များ

MAZMUR 123:4

Tugatdon in pinogogempeng in intau nooyúon kon inami, bo singkuḻe in intau mita moḷoḷatú.

MAZMUR 22:6

Mosia in nokuani kon ini-Mu bo pinosaḷamat-Mu; mosia in nongamang bo diá pinokudai.

MAZMUR 31:18

Dikabí pomayá mako in akuoi pokopooyáanmai, o Tuhan, sin akuoi in nokuani kon ini-Mu. Biódon mako intau moraat pokopooyáanmai, bo kibio-biómai moponag kon dunia in intau minatoi.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 10:20

Nobayong in noguman, “Kinotoḷangan in dimbuḷó in Sia! Sia in nobundai! Nongonu sin indongoganbí monimu in Sia?”

YOHANES 7:20

Intau moantó kon tua in notubag: “Nobundai Iko! Ki inebí in moibog moḻimod kon ini-Mu?”

YOHANES 7:35

Dá itoi mita intau Yahudi in nosiḻibóandon, “Mayá in onda degá in Intau tanaa dá diá mouḻí naton in Sia? Degá mayá in Sia kon intau mita in Yahudi inta nogutun kon butá intau Yunani, bo mopoyaput doman in totundú kon intau mita in Yunani?

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

IBRANI 12:3

Toropka monimu naonda in kororiga i Yesus in sinumayow kon intau mita dinosa inta noramuji totok moḷawang kon i-Nia! Tuamai in umuranbí korigon in gina bo umuran moharap.

IBRANI 13:13

Tuamai, koḻigai mayá in kita kon i-Nia kon ḷuai in ḷoḷaigan bo moyotakin-Nea singkuḻeon.