YOHANES 8:21 - Alkitab Singog In Mongondow Masa In Tanaa

²¹ Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

YOHANES 8:21 ပူးပေါင်းရင်းမြစ်များ

DATU MITA IMITÁNEA 18:10

Pinodoyon kon i Tuhan inta nobiag, ki Allah inta sinumba i Amá, akuoi in moponiata kon ki datu in nopotabádon kon inakó motayak kon i amá kon bayongan in tampat. Aka kon butá tobatú pongawasanea in moguman kon ki Amá in diá in kon tua, ki Ahab in monuntut sinbá pongawasa in butá tatua mongibot kon ki Amá in totuubí kon diá noyodungkuḷ kon tua.

AYUB 20:11

Umpaka sia in nobagupa bo motorindog, táe topípa bo mobaḻídon in sia ḷobud inta diá baraguna.

AMSAL 11:7

Aka intau moraat matoi, kamangnea in matoibí domandon; mopongata in ropot tontaní in diá in mangaḻenea.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

YESAYA 65:20

Ki adínea mita diábí in matoi kon tungkuḷ mointokpa, bo intau mogurang mokodapotbí kon umur moḷanggó. Intau inta umur mogatut notaong in inanggapbí nobagupa, bo inta minatoi noiuna kon tua in inanggap kinotugatan in hukuman-Ku.

MATIUS 23:39

Bo Akuoi in moguman kon inimu: Pinangkoi kon tanaa iko in diá bidon mokoontong kon i-Nakó bui, modapot in moiko moguman, ‘Binarakatandon in Sia inta namangoi kon bonu in tangoi Tuhan.’ ”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

YOHANES 12:33

Sia in noguman natua sin mopotaau kon naonda in kopopatoi-Nea.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 13:33

Adí-Ku mita, Akuoi in diá bidon moonggot in moyotakin monimu. Tayakonbí monimu in Akuoi, táe ná inta ain pinoguman-Ku kon itoi mita in Yahudi bo inta pinoguman-Ku doman kon i monimu, tampat inta bayáan-Ku in diábí kodapotan monimu.

YOHANES 7:34

Tayakonbí monimu in Akuoi, táe diábí mouḻí monimu; sin moiko in diábí mokodapot kon tampat inta bayáan-Ku.”

YOHANES 7:36

Onu in makusud in singog-Nea: Tayakonbí monimu in Akuoi, táe diábí mouḻí monimu in Akuoi, bo moiko in diábí mokodapot kon tampat inta bayáan-Ku?”

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.