YOHANES 8:20 - Alkitab Singog In Mongondow Masa In Tanaa

²⁰ Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.

YOHANES 8:20 ပူးပေါင်းရင်းမြစ်များ

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MATIUS 27:6

Imang mita itoi in nogamá kon doit tatua bo nosingog, “Doit tanaa in diábí motaau posumba kon i Allah, sin doit tanaa in boḻibí in nyawa.”

MARKUS 12:41

Kon singgai tobatú ki Yesus iḻimitú sinumayow in kas pobobonuan kon sosumba kon Baḷoi Tuhan, poḷat noindoimai mako kon intau mita mopobonu in doit monia kon kas tatua. Nobayong in intau nooyúon nopobonu in doit mobayong.

MARKUS 12:43

Dá ki Yesus in nogoiní kon murí-Nea mita bo noguman kon i monia, “Tarukira in naa: Inta inogoibí in intau boba-bobay bo bogá tatua in mobayo-bayong nongkon inta inogoi in intau mita ibanea.

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

LUKAS 21:1

Kon Baḷoi Tuhan tatua, ki Yesus in nokoontong kon intau mita inta nooyúon nopobonu in doit kon kas inta pobobonuan kon sosumba.

YOHANES 10:39

Buidon doman ramujion domokon monia in ki Yesus, táe diápa doman kinodomokan monia.

YOHANES 2:4

Ki Yesus in notubag, “Iná, donaaipa mokiaid in onu bo onu kon i-Nakó, sin deemanpa wakutunea Akuoi mopoontong intua.”

YOHANES 7:14

Wakutu in koyogotdon pinoramean, ki Yesus in sinumuot kon Baḷoi Tuhan, bo nomangkoidon nobogoi in totundú.

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

YOHANES 7:44

Oyúon in modomok kon i-Nia, táe diá tobatúmai intau in mokobaḻí mokadai kon i-Nia.

YOHANES 7:8

Bayádon tontaní in moiko kon poramean tatua. Akuoi in diápabí mayá, sin deemanpabí wakutu-Ku.”

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.