YOHANES 8:15 - Alkitab Singog In Mongondow Masa In Tanaa

¹⁵ Moiko in mohakim kon intau podudui in cara intau, Akuoi in diábí mohakim kon tobatúmai intau.

YOHANES 8:15 ပူးပေါင်းရင်းမြစ်များ

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

HABAKUK 1:4

Hukum in diá pinandungmai bo inta moadil in diábí pinosindog. Intau moraat in moiḻiu kon intau inta mojujur, dá inta moadil in poyotuuion.

LUKAS 12:14

Táe ki Yesus noguman kon inia, “Utat, ki ine in nopobaḻí kon i-Nakó hakim andeka mononigad kon i monimu mosilai kon kapunyaan inta sinaḷaan in guyanga monimu kon i monimu?”

YOHANES 12:47

Intau inta nokodongog kon totundú-Ku, táe diá mopoaid, yo deemanbí Akuoi in mohakim kon inia. Sin Akuoi in namangoi deemanbí mohakim kon dunia naa, táe moposaḷamatbí kon dunia naa.

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 7:24

Dikabí mohakim kon intau tongá podoyon kon onu inta koontongan, táe podoyonbí kon inta moadil.”

YOHANES 8:11

“Diá, Pak Guru,” tubagnea. “Tua in nopia,” guman i Yesus, “Akuoi in diábí doman mohukum kon inimu. Táe bayádon, bo donaaidon bui momia kon dosa.”]

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

KORINTUS 1 2:15

Intau inta mopirisaya kon i Allah in motaaubí monilai kon yagi-yagi, táe diábí in tobatúmai intau motaau monilai kon inia tontaní.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

YAKOBUS 2:4

Aka natua in aidan monimu, yo moiko in nopoyoposidon kon tumpaḷa intau bo monilai kon intau podudui in raian inta moraat.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”