YOHANES 8:11 - Alkitab Singog In Mongondow Masa In Tanaa

¹¹ “Diá, Pak Guru,” tubagnea. “Tua in nopia,” guman i Yesus, “Akuoi in diábí doman mohukum kon inimu. Táe bayádon, bo donaaidon bui momia kon dosa.”]

YOHANES 8:11 ပူးပေါင်းရင်းမြစ်များ

AYUB 34:31

Ayub, degá dosamu kon i Allah inakumudon? degá ain nodandi in iko kon diádon bui mogaid kon dosa?

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YESAYA 55:6

Pobuidon kon i Tuhan kon dodai in mokopobuipa; pokuanidon kon i-Nia kon dodai in Sia nodiugpa.

LUKAS 13:3

Diáa! Táe pokotoropdon in moiko: aka moiko bo diá mogogai in mogaid kon dosa, yo moiko in moputúbí komintan, naonda bo mosia.

LUKAS 13:5

Diáa! Komintanpa doman in poguman-Ku kon i monimu: Aka moiko bo diá mogogai in mogaid kon dosa, yo moiko in moputúbí doman ná mosia.”

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

LUKAS 5:32

Akuoi naa in mamangoi deemanbí mogoiní kon intau inta norai kon mosia intau mobanar, táe mogoiníbí kon intau mita baradosa sinbá mosia in moibog monaḷámai kon oaid monia inta diá mopia.”

LUKAS 9:56

Dá mosia minayádon kon ḻipú ibanea.

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 8:15

Moiko in mohakim kon intau podudui in cara intau, Akuoi in diábí mohakim kon tobatúmai intau.

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

KORINTUS 1 5:12

Totuubí kon deemanbí oaidanku in mohakim kon intau deeman Keresten, tua in oaidanbí i Allah. Táe soaḷ in jamaat mita monimu, tantú moikobí in mohakim kon i monia. Sin kon bonu in Buk Motusi in pinais nanaa, “Buntunbí in intau mongoromú kon sigad monimu.”

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

ULANGAN 17:9

Potaaudon pelekaramu tatua kon imang mita Lewi bo kon hakim inta koyogot mopobayá in oaidan monia, bo pomayádon mako mosia monantú kon tua.

PETRUS 2 3:15

Baḻíbí in kososabar i Tuhan naton tua in tobatú kasampatan inta inogoi-Nea kon i naton sinbá kita komintan in posaḷamaton-Nea. Soaḷ tanaa ain pinais doman i Paulus ki utat naton kon i monimu. Tua in pinaisnea lantaran kabijaksanaan i Allah inta inogoi kon inia.