YOHANES 7:7 - Alkitab Singog In Mongondow Masa In Tanaa

⁷ Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

YOHANES 7:7 ပူးပေါင်းရင်းမြစ်များ

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.

AMSAL 15:12

Intau inta moibog mopoompámai kon intau ibanea in doíbí toboḷowon; doíbí in sia mopoigum in tonggina kon intau mobijaksana.

AMSAL 8:36

Ki ine in diá mokouḻí kon inakó, moporugimai kon inia tontaní; intau inta doí kon inakó, moibog in popatoi.”

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

IMAMAT 13:10

Aka podudui in hasil pinonaridian i imang bo kon kuḻit intau tatua oyúon in bobagá inta nonomata bo poyuntung kon kuḻitnea tatua nobaḻídon nobudó,

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

LUKAS 6:26

Koboditodon in moiko aka komintan intau bo moduí kon inimu; sin natua doman in mogoguyang monia noduí kon nabi mita inta deeman totu-totuu nabi tungkuḷ intua.”

YOHANES 17:14

Pinotaau-Kudon kon i monia in Pirman i Amá bo mosia in sinaturu in dunia, sin deemanbí kapunyaan in dunia naa in mosia, ná doman Akuoi inta deemanbí kapunyaan in dunia.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

GALATIA 4:16

Yo degá saturuondon monimu in akuoi tanaa mako sin moguman kon totuu kon i monimu?

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

YOHANES 1 4:5

Intau mita inta deeman totuu nabi tua in nongonguman kon soaḷ mita in dunia naa, bo onu in inouman monia tua indongoganbí in dunia naa.