YOHANES 7:48 - Alkitab Singog In Mongondow Masa In Tanaa

⁴⁸ “Oyúondon degá in kon sigad in itoi mita naton andeka intau in Parisi in nopirisaya kon i-Nia?

YOHANES 7:48 ပူးပေါင်းရင်းမြစ်များ

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

LUKAS 23:13

Ki Pilatus in nosipun kon imang mita itoi, bo itoi mita intau in Yahudi, bo rayat,

YOHANES 12:42

Umpaka natua, nobayongbí in intau, nodapot in oyúon in itoi mita in Yahudi in nopirisayadon kon i Yesus. Táe mosia in diá mokobaḻí in mongaku taran-tarangan, sin moondok dikabo diádon ogoi intau in Parisi in mosia tumuot kon baḷoi pososambayangan.

YOHANES 3:1

Oyúon in tobatú tokoh agama nongkon golongan intau in Parisi, tangoinea in ki Nikodemus.

YOHANES 7:26

Táe indoiai mobebasbí in Sia in mosingog kon tayowon intau moantó, bo diábí in moguman kon onu bo onu kon i-Nia. Kinotaauandon degá in pomarenta naton kon Sia naa in Datu Mopoposaḷamat?

YOHANES 7:49

Táe intau moantó tanaa, diábí nonotaau kon hukum i Musa, kinatuḷadon in mosia.”

YOHANES 7:50

Kon sigad in intau mita in Parisi tatua oyúon in ki Nikodemus inta nokoimontandon namangoi kon i Yesus. Ki Nikodemus in noguman kon intau mita in Parisi ibanea,

OUMAN IN RASUL MITA 6:7

Natuata inta nobaḻí sahingga pirman i Allah in totokdon noisiar magí mako bo intau mita inta nopirisaya kon i Yesus kon Yerusalem in nodugangdon totok in kobayongnea. Bo noantó domandon in imang in nopirisaya kon i Yesus.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.