YOHANES 7:45 - Alkitab Singog In Mongondow Masa In Tanaa

⁴⁵ Naonda in moḷoḷukad mita kon Baḷoi Tuhan inta pinotabá minayá modomok kon i Yesus nobuidon mangoi, imang mita itoi bo intau mita in Parisi noḻibó kon i monia, “Nongonu sin diábí dinia mangoi monimu kon naa in Sia tua?”

YOHANES 7:45 ပူးပေါင်းရင်းမြစ်များ

MATIUS 26:58

Ki Petrus in dinumudui kon i-Nia nodapot in palas i imang moḷoben tongá iyumayú. Naonda in kon palas tatua sia iḻimitú kon sigad in intau inta moḷoḷukad mita sin moindoi kon onu inta mobaḻí modapot in mopaḷut.

YOHANES 11:46

Táe oyúon doman in tongonumai kon sigad monia tua in minayá kon intau mita in Parisi bo nongonguman kon onu inta ain inaidan i Yesus.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.