YOHANES 7:33 - Alkitab Singog In Mongondow Masa In Tanaa

³³ Ki Yesus in noguman kon intau mobayong inta kon bonu in Baḷoi Tuhan, “Diá bidon moonggot Akuoi in moyotakin monimu, sin mopaḷut mako kon tua Akuoi in mayádon kon i-Nia inta nopotabá kon i-Nakó.

YOHANES 7:33 ပူးပေါင်းရင်းမြစ်များ

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 13:3

Kinotaauan bidon i Yesus kon ki Amá in noposarakandon in kawasa-Nea komintan kon i-Nia. Kinotaauan-Neabí doman kon Sia in namangoi nongkon i Allah bo mobui doman kon i Allah.

YOHANES 13:33

Adí-Ku mita, Akuoi in diá bidon moonggot in moyotakin monimu. Tayakonbí monimu in Akuoi, táe ná inta ain pinoguman-Ku kon itoi mita in Yahudi bo inta pinoguman-Ku doman kon i monimu, tampat inta bayáan-Ku in diábí kodapotan monimu.

YOHANES 14:12

Poguman-Kudon kon i monimu: Intau inta mopirisaya kon i-Nakó, mogaidbí kon onu inta ain inaidan-Ku, modapot in moiḻiubí kon tua in aidannea, sin Akuoi in mayá kon i Amá.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

YOHANES 14:28

Dinongog bidon monimu in Akuoi in noguman, ‘Akuoi in mayábí, táe buibí in Akuoi mamangoi kon inimu.’ Aka moiko in motabi kon i-Nakó, yo mosanangbí in gina monimu in Akuoi in mayá kon i Amá, sin ki Amábí in moḷobe-ḷoben nongkon i-Nakó.

YOHANES 16:10

Poniata-Neabí doman kon Akuoi naa in totuubí, sin Akuoi mayá kon i Amá bo diá bidon ontongon monimu in Akuoi.

YOHANES 16:28

Totuubí kon Akuoi naa in nongkon i Amábí, bo ain namangoi in dunia. Táe tanaa taḷaan-Kudon in dunia sin mobuidon kon i Amá.”

YOHANES 16:5

Táe tanaa Akuoi in mayádon kon i-Nia inta ain nopotabá mangoi kon i-Nakó; bo diá tobatúmai intau kon sigad monimu in moḻibó kon onda in bayáan-Ku.

YOHANES 17:11

Akuoi in mamangoidon kon inimu in tanaa. Diá bidon in Akuoi mogutun kon dunia naa, táe mosia in umuranpabí kon dunia naa. Amá inta motusi! Ḷukadaipa in mosia takin kawasa in tangoi-Mu. Tangoi inta ain inogoi-Mu kon i-Nakó – sinbá mosia in motobatúdon ná kitada.

YOHANES 17:13

Tanaa Akuoi in mamangoidon kon i Amá. Tua komintan in pinotaau-Kudon wakutu in Akuoi kon duniapa naa, sinbá totu-totuudon korasaan monia in ḷunganga in gina-Ku.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.