YOHANES 7:27 - Alkitab Singog In Mongondow Masa In Tanaa

²⁷ Táe aka Datu Mopoposaḷamat in mamangoi, yo diábí tobatúmai intau in monotaau kon asaḷ-usuḷ-Nea! Táe aka asaḷ-usuḷ Intau tanion yo kinotaauanbí naton.”

YOHANES 7:27 ပူးပေါင်းရင်းမြစ်များ

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

MARKUS 6:3

Deemanbí Sia naa inta ki Adí i bas bo i Maria, bo ki utatnea in ki Yakobus, ki Yoses, ki Yudas bo ki Simon? Oo, sedang bo ki utat-Nea mita bobay nogutun doman kon naa.” Tuamai diá sinarima monia in Sia.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 6:42

Mosia in noguman, “Sia naa in ki Yesus, ki adí i Yusup toh? Kinotaauanbí nami in ki iná bo ki amá-Nea! Yo nongonu sin Sia in mogumanbí, kon Sia in noponag nongkon soroga?”

YOHANES 7:15

Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”

YOHANES 9:29

Kinotaauanbí nami kon ki Allah ain nobogoi in pirman-Nea kon i Musa. Táe aka Intau tatua, diábí kinotaauan nami in asaḷ-usuḷ-Nea.”

OUMAN IN RASUL MITA 8:33

Sia in siningkuḻe bo pinomia ná intau inta diá mobanar. Sia in iḻimod kon dunia naa, sahingga in diá tobatúmai intau in motaau mongonguman kon asaḷ-usuḷ-Nea.”