YOHANES 7:18 - Alkitab Singog In Mongondow Masa In Tanaa

¹⁸ Intau inta motundú kon onu in kinoibognea tontaní, sia tua i motayakbí kon bá horomaton. Táe intau inta moramuji sinbá horomaton in ki Inta nopotabá kon inia yo mojujur in sia tua, bo diábí in uboḷ kon inia.

YOHANES 7:18 ပူးပေါင်းရင်းမြစ်များ

AMSAL 25:27

Diábí mopia in mokaan kon biluk moiḻiu, natua doman diábí mopia in moiḻiu in pododayow.

PINOGIAPAN 11:29

Ki Musa notubag, “Nongonu sin akuoibí in raionmu? Ibogonku mako naa ki Tuhan mobogoi in Roho-Nea kon bayongan bangusa-Nea, bo baḻíon-Nea in mosia komintan tua nabi!”

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

YOHANES 11:4

Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

YOHANES 5:41

Akuoi in doíbí mokidayow kon intau.

YOHANES 8:54

Ki Yesus in notubag, “Aka kuma bo motayakbí in Akuoi kon kahoromatan-Ku tontaní, yo kahoromatan tatua diábí in mangaḻenea. Inta mohoromat kon i-Nakó in ki Amá-Kubí inta inanggap monimu ki Allah monimu,

TESALONIKA 1 2:6

Bo diábí doman dodai onda in kami moramuji sinbá duíon monimu ande duíon in intau ibanea. Umpaka sabanarnea motaaubí aidan nami intua, sin kami in rasul i Kristus, bo motaaubí doman tuntuton nami kon i monimu.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.