YOHANES 7:15 - Alkitab Singog In Mongondow Masa In Tanaa

¹⁵ Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”

YOHANES 7:15 ပူးပေါင်းရင်းမြစ်များ

YESAYA 29:12

Aka diaan kon intau inta diá motaau mobaca, sia in motubag kon sia in diábí motaau mobaca.

MATIUS 13:54

Noiyaputmai in ḻipú-Nea. Sia minayá notundú kon intau mita kon tua kon bonu in baḷoi pososambayangan monia, intau mita nongoherang in nokoontong kon inta pinomia-Nea. Sahingga mosia in noḻibó nanaa, “Degá nouḻí-Nea kon onda in hikmat ná tatua? Bo nouḻí-Nea kon onda in kawasa inta pinogaid-Nea kon mokoherang mita tatua?

MATIUS 22:22

Nokodongog kon tubag-Nea natua noherang totok in mosia bo sinaḷáandon monia in ki Yesus.

MATIUS 22:33

Intau moantó inta nokodongog kon tua in noibog totok kon onu inta sinundú-Nea.

LUKAS 2:47

Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 7:11

Kon dodai in pinoramean tatua, itoi mita in Yahudi notayak kon i-Nia bo noḻibó magí mako, “Kon onda in Sia?”

YOHANES 7:13

Táe diá in tobatúmai intau in mokobaḻí moguman taran-tarangan soaḷ ki Yesus sin mosia in moondok kon itoi mita intau in Yahudi.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

OUMAN IN RASUL MITA 26:24

Koyogotpa in ki Paulus mopoyotutui in onu inta nobaḻí kon inia, ki Pestus in nomaḷúdon kai-nia, “Diábí noratak in iko nion Paulus! Kinoḻiuandon in pandoimu dá diádon motoratakmai in raianmu!”

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

SAMUEL 1 10:11

Intau mita inta noonggotdon in nonotaau kon inia, nokoontongdon kon dodianea tatua, bo nosiḻibóandon in mosia, “Onudon in nobaḻí kon i adí Kish tatua? Degá ki Saul in nobaḻí domandon nabi?”