YOHANES 7:14 - Alkitab Singog In Mongondow Masa In Tanaa

¹⁴ Wakutu in koyogotdon pinoramean, ki Yesus in sinumuot kon Baḷoi Tuhan, bo nomangkoidon nobogoi in totundú.

YOHANES 7:14 ပူးပေါင်းရင်းမြစ်များ

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

PINOGIAPAN 29:17

Kon singgai nogindua posumbadon in sapi koḷakian batánea mopuḷú bodoyowá, bo domba koḷakian doyowa, bo ki adí in domba koḷakian mopuḷú bo opat umur totaong, komintan inta diá in bogitnea.

PINOGIAPAN 29:20

Kon singgai nogintoḷu posumbadon in sapi koḷakian batánea mopuḷú bomitá, domba koḷakian doyowa, bo adí in domba koḷakian mopuḷú bo opat inta umur totaong, komintan inta diá in bogitnea.

MATIUS 21:12

Kon tua ki Yesus sinumuot kon Baḷoi Tuhan bo noguntun kon intau mita inta nopotaḷui kon tua. Binaḻikuat-Nea mita in meja inta pononoḻiuan kon doit bo bangko mita in intau inta mopopotaḷui in ḷagapan paḷoma.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

LUKAS 19:47

Pomuḷoi in singgai Sia mayá mobogoi in totundú kon bonu in Baḷoi Tuhan. Imang mita itoi bo mototundú mita kon agama takin itoi mita intau Yahudi moibogdon moḻimod kon i-Nia,

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

YOHANES 7:28

Wakutu in ki Yesus koyogot mobogoimai in totundú kon bonu in Baḷoi Tuhan, Sia in nosingog noropot, kai-Nia, “Dá kinotaauan bidon monimu mongo ki ine in Akuoi naa bo kinotaauan bidon monimu in asaḷ usuḷ-Ku? Tongá bá kotaauan monimu, kon deemanbí ibog-Ku tontaní in namangoi. Akuoi naa in pinotabábí i-Nia inta Mobanar, táe diá kinotaauan monimu in Sia.

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:20

Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.