YOHANES 7:12 - Alkitab Singog In Mongondow Masa In Tanaa

¹² Moantó intau in momangkoidon moyogombong soaḷ Sia. Oyúon in noguman: “Sia Intaubí mopia.” Táe oyúon doman in noguman: “Diá! Sia in mopoyaying kon intau mobayong.”

YOHANES 7:12 ပူးပေါင်းရင်းမြစ်များ

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 21:46

Dá ḷongasiondon monia domokon in Sia, táe mosia moondok kon intau moantó kon tua, sin inanggap in intau moantó tatua kon Sia tua in nabi.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

LUKAS 18:19

Dá ki Yesus in notubag, “Nongonu sin iko in mogumanbí kon Akuoi in mopia? Diábí tobatúmai in mopia, koḻikudbí in ki Allah tontaní.

LUKAS 23:47

Naonda in itoi in tontara nokoontong kon onu inta ain nobaḻí tatua, sia nodayow kon i Allah, kainia, “Totuu, Sia naa in diábí kotaḷá!”

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.

LUKAS 6:45

Intau inta mopia in mogaidbí doman kon inta mopia sin ginanea in pinuḻingan in inta mopia. Táe intau inta moraat in mogaidbí doman kon inta moraat sin ginanea in pinuḻingan domandon in inta mongoraat. Sin onu inta siningog in bibig yo tua in iḷumuaibí nongkon ginanea.”

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 7:47

Dá intau mita in Parisi in noḻibó bui, “Eta degá moiko pinoyaying-Nea domandon?”

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

YOHANES 9:16

Táe tongonumai in intau kon sigad intau mita in Parisi tatua noguman, “Diábí doman intau inta nomia kon soaḷ tatua nongkon i Allah, sin diádon pinandung-Neamai in singgai in Sabat.” Táe intau ibanea in nosingog, “Diábí doman in intau binaradosa bo momia kon soaḷ mita inta mokoherang ná tanaa?” Bo nomukádon in bobayowan kon sigad monia tua.

OUMAN IN RASUL MITA 11:24

Ki Barnabas naa in intaubí mopia, inta umuran kinawasa in Roho i Allah bo intau inta totok in mopirisaya kon i Tuhan sahingga moantódon in intau in dinumudui kon i Tuhan.

SURAT I PAULUS KON JAMAAT RUM 5:7

Sin diábí mogampang in motayak kon intau inta moibog matoi umpakabí kopontingan in intau inta mobanar. Tongá degá aka kon intau inta mopia, dá oyúon in intau mobarani matoi.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.