YOHANES 6:70 - Alkitab Singog In Mongondow Masa In Tanaa

⁷⁰ Ki Yesus in notubag: “Kinotaauan bidon monimu kon Akuoibí in nomiḻí kon i monimu mopuḷú bodoyowá naa? Tongá tobatú kon sigad monimu nion in kinawasa in Ibilis!”

YOHANES 6:70 ပူးပေါင်းရင်းမြစ်များ

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 13:21

Naonda in noguman mako natua in ki Yesus, totokdon in moajar in gina in Sia. Bo Sia in noguman, “Akuoi in mogumandon kon i monimu: Tobatú nongkon sigad monimu nion momaḻidawanbí kon i-Nakó.”

YOHANES 13:27

Naonda in ki Yudas notarima kon roti tatua, ginanea in kinogonúandon in Ibilis. Bo ki Yesus in noguman kon inia, “Aidaidon koḻikat onu in kino ibogmu pomiaan.”

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 15:19

Aka kuma bo moiko nion in kapunyaan in dunia, dá kotabibí in dunia in moiko saḷaku kapunyaannea. Táe moiko ain piniḻí-Ku nongkon dunia naa, dá moiko in deeman bidon kapunyaan in dunia, tuamai dunia naa in mosaturu kon i monimu.

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.

YOHANES 2:2

Ki Yesus bo murí-Nea mita in inoiní doman kon pesta tatua.

YOHANES 20:24

Ki Tomas (inta dinonoi ki “Apang”), tobatú murí inta kon sigad in murí-Nea mopuḷú bodoyowá tua in diá koyota-yotakin monia dodai in ki Yesus namangoi.

YOHANES 6:64

Tongá oyúon doman kon sigad monimu in diá mopirisaya.” (Kinotaauan bidon muna i Yesus in intau mita inta doí mopirisaya, bo ki ine mobaḷui in pirisaya kon i-Nia.)

YOHANES 6:67

Bo ki Yesus noḻibó kon murí-Nea inta mopuḷú bodoyowá tatua, “Yo degá moiko in monaḷá domanmai kon i-Nakó?”

YOHANES 6:71

Ki Yudas ki adí i Simon Iskariot i makusud i Yesus tatua. Sin ki Yudasbí tuata in moposarakan kon i Yesus, umpaka sia in murí doman i Yesus inta kon sigad in murí-Nea mopuḷú bodoyowá.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

OUMAN IN RASUL MITA 1:17

Koḻipod sia tua in noyotakinbí nami bo poḷatpa doman noyotakin nami nogaid nanaa.” (

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TITUS 2:3

Tongginaai doman in guyanga mita bobay, sinbá oaid monia in moidudui kon aid in intau mita inta nonotaau kon i Allah. Tundú doman sinbá mosia in diá moibog moponapud in soaḷ mita inta diá totuu kon intau ibanea. Dika doman ogoi monginum kon oinumon inta mokoḷoḷangu. Mosia in musti motaau motundú kon inta mopia,

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.