YOHANES 6:7 - Alkitab Singog In Mongondow Masa In Tanaa

⁷ Ki Pilipus in notubag, “Aka roti bo tongá boḻi in doyowa nogatut doit saḷaka yo diábí tugat pokaan kon intau mita tanion, umpakabí tongá poyopiḻikon mako.”

YOHANES 6:7 ပူးပေါင်းရင်းမြစ်များ

DATU MITA 2 4:43

táe bobantung tatua in noguman, “Diábí tugat kon intau mogatut tanaa!” Ki Elisa in notubag, “Silaidon mako sinbá mongaan in mosia, sin ki Tuhan in noguman kon mosia in mongaanbí bo naonda in nopaḷut mako nongaan oyúonpa doman in kiagatnea.”

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MARKUS 6:37

Táe ki Yesus in noguman, “Mustibí moiko in mopokaan kon i monia.” Dá murí-Nea mita in noguman kon i Yesus, “Musti degá in kami mayá motaḷui kon roti boḻi in doyowa nogatut doit saḷaka sin pokaan kon intau mita tanaa?”

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

YOHANES 1:44

Ki Pilipus naa intau in Betsaida, kotá inta pinogutunan i Andreas bo i Petrus.

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 1:46

Táe ki Natanael in noguman, “Eta oyúon degá in mopia in mamangoi nongkon Nazaret?” Dá kai Pilipus doman, “Koḻigai, indoianmudon tontaní!”

YOHANES 1:48

Dá ki Natanael in noḻibó kon i Yesus: “Naonda in kinototaau i Amá kon inakó?” Tubag i Yesus, “Wakutu in diápa inoiní i Pilipus in iko, inontong-Kudon iko kon ḻimonag in pangkoi ara tatua.”

YOHANES 12:5

“Nongonu sin ḷana mobondu tanion diábí inta pinotaḷui toḷu nogatut doit saḷaka, bo doit boḻinea in ogoidon kon intau bogá?”