YOHANES 6:5 - Alkitab Singog In Mongondow Masa In Tanaa

⁵ Dodai in ki Yesus nobobui magí-mako, inontong-Nea in intau moyo-moyodudui in mamangoi kon i-Nia. Dá Sia noḻibó kon i Pilipus, “Kon onda i motaau naton potaḷuian kon kaanon, sinbá bayongan in intau tanion in mongaan?” (

YOHANES 6:5 ပူးပေါင်းရင်းမြစ်များ

PINOGIAPAN 11:13

Indoiaika, mosia umuran mogamui moigum kon ponoyá. Bo kon ondabí in potayakanku kon ponoyá sin kaanon in intau mita tatua?

MATIUS 15:33

Murí-Nea mita in noguman kon i-Nia: “Kon ondabí in kouḻían naton kon kaanon inta tugat kaanon in intau mita tanion, apapa doman kita naa noyayú kon ḻipú?”

MARKUS 6:32

Dá sinumakoi kon uangga in mosia bo minayá in tampat inta noingongow.

LUKAS 9:10

Bo naonda in rasuḷ mita inta pinotabá i Yesus nobuidon mangoi, inouman monia kon i Yesus in onu inta ain pinomia monia. Dá dinia i Yesus in mosia minayá sinumontaní kon tobatú kotá, tangoinea kotá in Betsaida. Tongá ki Yesus bo murí-Nea mita in kon tua.

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

YOHANES 1:44

Ki Pilipus naa intau in Betsaida, kotá inta pinogutunan i Andreas bo i Petrus.

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 1:46

Táe ki Natanael in noguman, “Eta oyúon degá in mopia in mamangoi nongkon Nazaret?” Dá kai Pilipus doman, “Koḻigai, indoianmudon tontaní!”

YOHANES 1:48

Dá ki Natanael in noḻibó kon i Yesus: “Naonda in kinototaau i Amá kon inakó?” Tubag i Yesus, “Wakutu in diápa inoiní i Pilipus in iko, inontong-Kudon iko kon ḻimonag in pangkoi ara tatua.”

YOHANES 4:35

Kai monimu in ‘opatpa nobuḷan bo mokoyut.’ Táe Akuoi in moguman kon inimu: Indoiaika magí-mako in gobá inta ain nodarag bo noḷutúdon, motaaudon koyuton!