YOHANES 6:41 - Alkitab Singog In Mongondow Masa In Tanaa

⁴¹ Intau mita Yahudi mulaidon mongunsingog kon i Yesus, sin ki Yesus in noguman: “Akuoi in roti inta noponag nongkon soroga.”

YOHANES 6:41 ပူးပေါင်းရင်းမြစ်များ

LUKAS 15:2

Dá intau mita in Parisi bo mototundú mita kon agama nomangkoidon mongunsingog, kai monia, “Sesé ah, intau tanion moibogbí motarima kon intau mita inta diá mopia, bo mongaan doman moyotakin monia!”

LUKAS 19:7

Táe intau mita inta nokoontong kon tua in nomangkoidon mongunsingog kai monia, “Ih! Sia in mongandupbí kon baḷoi in intau inta diá mopia!”

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 6:33

Sin roti inta inogoi i Allah in Siabí inta noponag nongkon soroga bo nobogoi in kobiagan kon intau kon dunia.”

YOHANES 6:43

Dá ki Yesus in noguman kon i monia, “Donaai mongunsingog.

YOHANES 6:48

Akuoibí naa in roti inta mobogoi in kobiagan.

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

YOHANES 6:60

Naonda in nokodongog kon singog mita i Yesus tatua, nobayong kon sigad in murí-Nea mita in noguman, “Totundú tanaa totuu mobogat. Ki inebí in mokomampu in motarima kon tua!”

YOHANES 6:66

Nongkon dodaidon in tuata bo nobayong in dumodudui-Nea in nonaḷámaidon kon i-Nia, bo doídon dinumudui kon i-Nia bui.

YOHANES 7:12

Moantó intau in momangkoidon moyogombong soaḷ Sia. Oyúon in noguman: “Sia Intaubí mopia.” Táe oyúon doman in noguman: “Diá! Sia in mopoyaying kon intau mobayong.”

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.