YOHANES 6:35 - Alkitab Singog In Mongondow Masa In Tanaa

³⁵ Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:35 ပူးပေါင်းရင်းမြစ်များ

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

LUKAS 6:25

Koboditodon in moiko inta nobotug in tanaa mako; sin moiko in koantuganbí doman in gogoy! Koboditodon in moiko inta kinumosing tanaa mako; sin oyúonbí in wakutu monimu mokorasa kon robonoḷ in dodob bo mongombaḷ!

YOHANES 4:15

Guman in bobay tatua, “Tuang, ogoiaidon in akuoi in tubig tatua, sinbá diádon moyoga-yogang in akuoi; bo diáka bidon mopobui-buimai kon naa sin monangkob.”

YOHANES 5:40

Táe moiko in doí mamangoi kon i-Nakó sinbá mokouḻí kon kobiagan mononoi.

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

YOHANES 6:41

Intau mita Yahudi mulaidon mongunsingog kon i Yesus, sin ki Yesus in noguman: “Akuoi in roti inta noponag nongkon soroga.”

YOHANES 6:65

Bo ki Yesus in bui noguman, “Tuamai Akuoi in mopotaaudon kon inimu, diábí tobatúmai in intau in motaau mamangoi kon i-Nakó, aka diá kinoibog i Amá.”

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 7:16

Mosia in diá bidon mokorasa kon gogoyon ande moyogang. Mata in singgai ande patúnea in diá bidon mokopokak kon i monia.