YOHANES 6:2 - Alkitab Singog In Mongondow Masa In Tanaa

² Noiyaputmai in tua, mobayong in intau in dinumudui kon i-Nia sin nokoontongdon in mosia kon inta mokoherang inta pinomia i Yesus kon intau mita nongotakit inta sinokoundamanan-Nea.

YOHANES 6:2 ပူးပေါင်းရင်းမြစ်များ

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 13:2

Kon tua intau noroangoi bo noḻipung kon i-Nia, dá minayá in Sia sinumakoi kon uangga bo iḻimitú kon tua, intau moantó sinimindog komintan kon pintad.

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 8:1

Naonda in ki Yesus nosiḻig nongkon buḷud, intau mobarong dinumudui kon i-Nia.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

MARKUS 6:33

Táe nobayong intau in nokoontong kon binayáan monia bo kinotaauan doman monia in bayáan. Dá bayongan in intau kon kotá iḻimikat in minayá nongin toba bo inumuna kon i Yesus bo murí-Nea mita tua.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 12:18

Tuamai in nobayong intau in namangoi nonontomu kon i Yesus sin dinongogdon monia kon Sia tua inta nogaid kon inta mokoherang tatua.

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 2:23

Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

YOHANES 20:30

Nobayongpabí in soaḷ mita inta mokoherang in pinomia i Yesus kon tayowon in murí-Nea mita, táe diádon pinais kon bonu in buk tanaa.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 6:22

Nopoikoḷomai kon singgai, intau moantó inta umuranpa kon ḷoḷan danow, in nonotaaudon kon tongábí tobatú in uangga kon tua. Kinotaauandon doman monia kon murí-Nea mita in sinumakoidon kon uangga bo inumuna minayá. Ki Yesus in diápabí sinumakin.

YOHANES 6:26

Tubag i Yesus, “Totuubí kon moiko in notayak kon i-Nakó deemanbí popisí in kinomangaḻeandon monimu in makusud in inta mokoherang mita pinomia-Ku, táe popisíbí in moiko nongaandon nodapot in nobotug.

YOHANES 6:30

Dá kai monia doman, “Aka natua, onu in tanda poontong i Pak Guru kon inami, sinbá kami in mokoontong bo mopirisaya kon i Pak Guru? Onu in aidan i Pak Guru?