YOHANES 6:14 - Alkitab Singog In Mongondow Masa In Tanaa

¹⁴ Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 6:14 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MATIUS 11:3

dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

LUKAS 24:19

Dá ki Yesus in noḻibó doman, “Onu intua?” Tubag monia doman, “Soaḷ inta nobaḻí kon i Yesus intau in Nazaret tua. Sia tua in tobatúbí nabi. Singog bo oaid-Nea mita totokbí in mokawasa – pinomayá kon mata i Allah andeka kon mata in bayongan intau.

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

YOHANES 11:27

“Tuhan,” kai Marta, “akuoi in mopirisayabí kon ki Tuhan in ki Adí i Allah, Datu Mopoposaḷamat inta mamangoi in dunia naa.”

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 4:19

Bobay tatua in noguman, “Kinotaauankudon tanaa kon ki Tuang in tobatúbí nabi.”

YOHANES 4:25

Bobay tatua in noguman kon i Yesus, “Kinotaauankubí kon Datu Mopoposaḷamat (inta sinangoi ki Kristus) in mamangoibí. Aka Sia mamangoi, potaau-Neabí in bayongan in yagi-yagi kon i naton.”

YOHANES 4:42

Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”

YOHANES 6:2

Noiyaputmai in tua, mobayong in intau in dinumudui kon i-Nia sin nokoontongdon in mosia kon inta mokoherang inta pinomia i Yesus kon intau mita nongotakit inta sinokoundamanan-Nea.

YOHANES 6:26

Tubag i Yesus, “Totuubí kon moiko in notayak kon i-Nakó deemanbí popisí in kinomangaḻeandon monimu in makusud in inta mokoherang mita pinomia-Ku, táe popisíbí in moiko nongaandon nodapot in nobotug.

YOHANES 6:30

Dá kai monia doman, “Aka natua, onu in tanda poontong i Pak Guru kon inami, sinbá kami in mokoontong bo mopirisaya kon i Pak Guru? Onu in aidan i Pak Guru?

YOHANES 7:40

Nobayong intau in nokodongog kon onu in siningog i Yesus, bo kon sigad monia tua oyúon in noguman, “Intau tanion in totu-totuubí kon nabi inta pinodandi mamangoi tua!”

OUMAN IN RASUL MITA 7:37

Siabí doman tua inta noguman kon bangusa in Israel, ‘Ki Allahbí in mobogoi kon inimu in tobatú nabi inta piniḻí-Nea kon sigad monimu, ná Sia ain nomiḻí kon inakó.’