YOHANES 5:42 - Alkitab Singog In Mongondow Masa In Tanaa

⁴² Kinotaauan-Kubí in moiko. Kinotaauan-Kubí kon diábí in tabi monimu kon i Allah.

YOHANES 5:42 ပူးပေါင်းရင်းမြစ်များ

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YOHANES 5:41

Akuoi in doíbí mokidayow kon intau.

YOHANES 5:43

Akuoi namangoi takin kawasa i Amá-Ku, táe moiko in doí motarima kon i-Nakó. Táe aka intau ibanea in mamangoi kon i monimu takin kawasanea tontaní yo tarimaan monimu in sia.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YOHANES 8:42

Dá ki Yesus in noguman kon i monia, “Aka ki Allah tua ki Amámu, yo motabibí in moiko kon i-Nakó, sin Akuoi in namangoibí nongkon i Allah. Bo deemanbí ibog-Ku tontaní in namangoi, táe ibogbí i-Nia inta nopotabá mangoi kon i-Nakó.

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

YOHANES 8:55

bokaka diá nokanal monimu in Sia. Aka Akuoi in moguman kon diá kinotaauan-Ku in Sia, dá mouboḷ in Akuoi ná moiko. Kinotaauan-Kubí in Sia bo Akuoi in dinumuduibí kon singog-Nea.

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

YOHANES 1 2:15

Dikabí motabi kon dunia naa, ande onu in kon bonunea naa. Aka moiko motabi kon dunia naa yo diábí in moiko motabi kon i Amá.

YOHANES 1 3:17

Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’

YOHANES 1 4:20

Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.