YOHANES 5:39 - Alkitab Singog In Mongondow Masa In Tanaa

³⁹ Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

YOHANES 5:39 ပူးပေါင်းရင်းမြစ်များ

MAZMUR 1:2

táe inta moibog mogaid kon parenta i Tuhan bo inta tantú monano-nanob kon tua singgai doḷom.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MATIUS 22:29

Ki Yesus in noguman kon i monia nanaa: “Moiko nion noitaḷá in pororai monimu, sin diá kinomangaḻean monimu in bonu in Buk Motusi, bo kawasa i Allah.

MARKUS 10:3

Táe bui iḻibó i Yesus kon i monia, “Onu in parenta i Musa kon i monimu?”

MARKUS 12:10

Bo tantú kinobacaan bidon monimu in tontagá tanaa kon bonu in Buk Motusi, ‘Batu inta diá pinaké in mogogaid kon bangunan nobaḻídon batu inta totok in moponting.

LUKAS 16:29

Dá ki Abraham in notubag, ‘Kon i monia tua in oyúondon in buk i Musa bo buk in nabi mita! Pomayádon mako mosia in dumudui kon onu inta ain pinais kon bonu in buk mita tatua!’

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 5:32

Táe oyúonbí in intau ibanea in nongonguman kon soaḷ Akuoi, bo kinotaauan-Kubí kon totuubí in oumannea tatua.

YOHANES 5:36

Táe kon i-Nakó in oyúon in kosakusian inta moponti-ponting nongkon kosakusian inta pinoyaput i Yohanes, tuata in oaidan inta pinoki aid i Amá kon i-Nakó. Oaidan tatuata inta yogot-Ku in aidan tanaa mako, tuata in mobaḻí bukti kon ki Amábí in nopotabá kon i-Nakó.

YOHANES 5:40

Táe moiko in doí mamangoi kon i-Nakó sinbá mokouḻí kon kobiagan mononoi.

YOHANES 5:46

Aka kuma bo moiko in mopirisaya kon i Musa, yo moiko in mopirisayabí kon i-Nakó, sin sia ain doman nomais soaḷ Akuoi.

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

OUMAN IN RASUL MITA 13:27

sin bayongan intau inta nogutun kon Yerusalem bo itoinea mita in diábí nonotaau kon Siabí tua inta mopoposaḷamat, sahingga ihukumbí monia in Sia nodapot minatoi. Táe hukuman tatua in mogintompodbí kon onu inta ain pinoguman muna in nabi mita inta tantú bacaan monia aka kon singgai in Sabat.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

OUMAN IN RASUL MITA 26:27

Uḻe Tuang Datu Agripa, degá mopirisaya in ki Tuang kon onu in pinoguman in nabi mita? Kon raianku in mopirisayabí in ki Tuang!”

SURAT I PAULUS KON JAMAAT RUM 1:2

Habar Mopia tatua aindon pinodandi i Allah kon tungkuḷ intua inta pinongin nabi-Nea mita bo inta pinaisdon kon bonu in Buk Motusi.

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.