YOHANES 5:36 - Alkitab Singog In Mongondow Masa In Tanaa

³⁶ Táe kon i-Nakó in oyúon in kosakusian inta moponti-ponting nongkon kosakusian inta pinoyaput i Yohanes, tuata in oaidan inta pinoki aid i Amá kon i-Nakó. Oaidan tatuata inta yogot-Ku in aidan tanaa mako, tuata in mobaḻí bukti kon ki Amábí in nopotabá kon i-Nakó.

YOHANES 5:36 ပူးပေါင်းရင်းမြစ်များ

MATIUS 11:4

Dá ki Yesus in noguman kon i monia, “Bayádon bo poguman kon i Yohanes onu inta ain dinongog bo inontong monimu.

LUKAS 2:49

Táe ki Yesus notubag, “Nongonu sin ki amá bo ki iná in motayakbí kon i-Nakó? Eta degá diábí kinotaauan i amá bo i iná kon Akuoi in mustibí oyúon kon bonu in Baḷoi i Amá-Ku?”

YOHANES 10:25

Ki Yesus in notubag, “Pinoguman-Ku bidon kon inimu, táe moiko in diá mopirisaya. Oaidan mita inta pinomia-Ku pinodoyon kon tangoi i Amá-Ku, mobogoi in bukti soaḷ Akuoi.

YOHANES 11:37

Táe oyúon doman in kon sigad monia tua in nosingog, “Intau bilog motaau baḻíon-Nea mokoontong, yo nongonu sin diábí in Sia nokoampag sinbá ki Lazarus in diá matoi?”

YOHANES 15:24

Aka kuma kon yua-yuak monia bo Akuoi in diápa nogaid kon soaḷ mita inta diápa kon dodai in onda inaidan in intau, yo mosia in diábí binaradosa. Táe tanaa mosia ain nokoontong kon onu inta ain pinomia-Ku, bo mosia in mosaturu kon i-Nakó andeka kon i Amá-Ku.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

YOHANES 2:23

Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 5:32

Táe oyúonbí in intau ibanea in nongonguman kon soaḷ Akuoi, bo kinotaauan-Kubí kon totuubí in oumannea tatua.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

YOHANES 1 5:9

Kita in mopirisayabí kon kosakusian intau, táe kosakusianbí i Allah in moropo-ropot kon tua. Bo tuata in kosakusian inta ain inogoi i Allah soaḷ ki Adí-Nea.