YOHANES 5:34 - Alkitab Singog In Mongondow Masa In Tanaa

³⁴ Soaḷ tanaa in poguman-Ku, deemanbí popisí Akuoi moparaḷu kon kosakusian nongkon intau, táe bá moiko in posaḷamaton.

YOHANES 5:34 ပူးပေါင်းရင်းမြစ်များ

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 5:32

Táe oyúonbí in intau ibanea in nongonguman kon soaḷ Akuoi, bo kinotaauan-Kubí kon totuubí in oumannea tatua.

YOHANES 5:41

Akuoi in doíbí mokidayow kon intau.

YOHANES 8:54

Ki Yesus in notubag, “Aka kuma bo motayakbí in Akuoi kon kahoromatan-Ku tontaní, yo kahoromatan tatua diábí in mangaḻenea. Inta mohoromat kon i-Nakó in ki Amá-Kubí inta inanggap monimu ki Allah monimu,

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

SURAT I PAULUS KON JAMAAT RUM 10:21

Táe soaḷ bangusa Israel, ki Nabi Yesaya in nosingog nanaa, “Nanaa in pirman i Allah, ‘Tumongo singgai Akuoi in mopoabat in ḻima-Ku kon tobatú bangusa inta motogat in gina bo diá motoindudui.’ ”

SURAT I PAULUS KON JAMAAT RUM 12:21

Dika moibog taḷowon in moraat, táe ḷawangbí in moraat tua takin aid inta mopia.

SURAT I PAULUS KON JAMAAT RUM 3:3

Táe naonda degá aka tongobotak intau in Yahudi diá mosatia? Degá tongádon popisí intua, dá ki Allah in diádon mosatia?

KORINTUS 1 9:22

Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

TIMOTIUS 1 4:16

Ḷukadai in awakmu bo ḷukadai doman in onu inta ain sinundúmu. Musti in iko mokopotoindudui kon tua komintan, sin aka tantúmu aidan intua komintan, yo mangaḻenea kon tua iko in moposaḷamat bidon in awakmu bo moposaḷamat doman kon intau mita inta moibog mokidongog kon inimu.

YOHANES 1 5:9

Kita in mopirisayabí kon kosakusian intau, táe kosakusianbí i Allah in moropo-ropot kon tua. Bo tuata in kosakusian inta ain inogoi i Allah soaḷ ki Adí-Nea.