YOHANES 5:25 - Alkitab Singog In Mongondow Masa In Tanaa

²⁵ Pirisayadon: Moiangoibí in wakutunea, sedang bo noiangoi bidon, kon intau minatoi in mokodongogbí kon singog i Adí Allah. Bo intau inta mokodongog in mobiagbí.

YOHANES 5:25 ပူးပေါင်းရင်းမြစ်များ

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 9:60

Táe ki Yesus in noguman kon inia, “Pomayádon mako in intau minatoi moḷobong kon intau minatoi; táe iko in bayádon bo poyaputdon in Habar Mopia kon bayongan intau kon ḻipu-ḻipúannea. Poguman kon ki Allah in mamangoidon momarenta saḷaku Datu.”

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 4:21

Ki Yesus in noguman kon inia: “Popirisayadon, komintanmai intau in mosumba kon i Amá, deeman bidon kon tombuḷud tanaa bo deemanbí doman kon Yerusalem.

YOHANES 4:23

Táe moiangoibí in wakutunea, sedang bo noiangoi bidon, takin in kawasa in Roho i Allah intau mita in mosumba kon i Amá inta mobanar ná inta kinoibog i Amá.

YOHANES 5:21

Ki Amá tua in momiag bui kon intau minatoi, bo mobogoi kon i monia in kobiagan mopia bo mononoi; ná tua doman in Adí mobogoi doman in kobiagan mononoi kon i monia inta moibog ogoian-Nea in kobiagan.

YOHANES 5:28

Dika moherang moiko in mokodongog kon soaḷ tanaa, sin moiangoibí i wakutunea kon intau inta ain minatoi in mokodongogbí kon singog-Nea,

YOHANES 6:60

Naonda in nokodongog kon singog mita i Yesus tatua, nobayong kon sigad in murí-Nea mita in noguman, “Totundú tanaa totuu mobogat. Ki inebí in mokomampu in motarima kon tua!”

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

YOHANES 9:27

Intau tatua in notubag, “Aindon inoumanku kon inimu, táe moiko in doí mopirisaya. Nongonu sin buipabí in moiko moḻibó? Degá moibog doman in moiko mobaḻí dumodudui-Nea?”

SURAT I PAULUS KON JAMAAT RUM 6:4

Wakutu in kita binaptis, kita in iḷobongdon takin i Kristus bo minatoidon noyotakin-Nea, sinbá ná doman ki Kristus inta ain biniag nongkon kinopatoian-Nea takin kamuliaan i Amá, yo natua doman in kita mokoalami doman kon kobiagan mobagu.

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.

EPESUS 2:5

sahingga in kon wakutu in rohani naton minatoipa, sin popisí in kita diá dinumudui kon ibog i Allah, biniag-Neadon bui in kita noyotakin i Kristus. Tuamai in tongábí lantaran kinopopia in gina i Allah, dá pinosaḷamat-Nea in moiko.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!