YOHANES 5:18 - Alkitab Singog In Mongondow Masa In Tanaa

¹⁸ Singog-Nea mita tatua in nokodugangdon kon ibog monia moḷongasi moḻimod kon i-Nia. Mosia in nonomayá kon tua deemandon tongá popisí in Sia noḷawang kon atorang agama soaḷ singgai in Sabat; táe popisíbí doman in Sia noguman kon ki Allah tua in ki Amá-Nea; mangaḻenea kon tua Sia in mokipotongkaidon kon i Allah.

YOHANES 5:18 ပူးပေါင်းရင်းမြစ်များ

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

MATIUS 12:5

Andeka diápa binaca monimu kon bonu in buk i Musa onu in taḷá inaidan in imang mita pomuḷoi in singgai in Sabat kon bonu in Baḷoi Tuhan, táe mosia in diábí pinotaḷá?

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 10:30

Akuoi bo ki Amá in tobatúbí.”

YOHANES 10:33

Intau mita in Yahudi notubag, “Deemanbí popisí in oaidan-Mu mita inta mopia tua in baḻíon nami dodoyonan poganduran in batu kon ini-Mu, táe popisíbí in Iko mohojat kon i Allah. Iko nion in intaubí bo moibog mokipotongkai kon i Allah.”

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 14:9

Táe ki Yesus in noguman kon inia, “Noonggotdon in Akuoi noyotakinmai monimu, bo diápa doman kinotaauan-Mu in Akuoi Pilipus? Intau inta ain nokoontong kon i-Nakó, yo sia tua in nokoontong domandon kon i Amá. Yo nongonu sin iko in mogumanpabí, ‘Poontongdon in ki Amá kon inami’?

YOHANES 19:7

Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

YOHANES 5:15

Dá iḷumuaidon intau tatua bo noguman kon pongawasa mita in Yahudi kon ki Yesusbí in intau inta nokopia kon inia.

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

YOHANES 5:17

Táe ki Yesus in noguman kon i monia, “Ki Amá-Ku in umuranbí mogaid umaai in tanaa mako, dá Akuoi in mogaidbí doman.”

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

YOHANES 8:54

Ki Yesus in notubag, “Aka kuma bo motayakbí in Akuoi kon kahoromatan-Ku tontaní, yo kahoromatan tatua diábí in mangaḻenea. Inta mohoromat kon i-Nakó in ki Amá-Kubí inta inanggap monimu ki Allah monimu,

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

PILIPI 2:6

Aka podudui in kaadaan-Nea sabanarnea, Sia tua in notongkaibí i Allah, táe kaadaan-Nea tatua in diábí binaḻí-Nea patokan.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:3

Kon bonu in kotá tatua diá bidon in kotugatan kutuk i Allah. Tampat pomomarentaan i Allah bo i Adí in Domba tatua in kon bonudon in kotá tatua. Bobantung-Nea mita moibada kon i-Nia.