YOHANES 5:13 - Alkitab Singog In Mongondow Masa In Tanaa

¹³ Táe diá kinotaauan in intau inta bagu inundaman tatua mongo ki ine in nopotabá kon inia tua, sin ki Yesus in minayádon bo kinooḻingoiandon in intau mobarong kon tua.

YOHANES 5:13 ပူးပေါင်းရင်းမြစ်များ

LUKAS 24:31

Kon dodaipa doman intua bo kinotaauandon monia kon ki Yesusbí inta kotaki-takin monia tua.

LUKAS 4:30

Táe minayá in Sia bo ginimilo-gilot mako kon intau mobayong dá diá nouḻí monia bo minayádon in Sia.

YOHANES 14:9

Táe ki Yesus in noguman kon inia, “Noonggotdon in Akuoi noyotakinmai monimu, bo diápa doman kinotaauan-Mu in Akuoi Pilipus? Intau inta ain nokoontong kon i-Nakó, yo sia tua in nokoontong domandon kon i Amá. Yo nongonu sin iko in mogumanpabí, ‘Poontongdon in ki Amá kon inami’?

YOHANES 5:12

Dá iḻibó bui monia, “Ki ine in intau inta nokibingkat in boḷadmu nion bo mayá?”

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.