YOHANES 4:48 - Alkitab Singog In Mongondow Masa In Tanaa

⁴⁸ Ki Yesus in noguman kon pogawai in komaḻig tatua, “Aka moiko bo diá nokoontong kon inta mokoherang mita, yo tantú diábí in moiko mopirisaya.”

YOHANES 4:48 ပူးပေါင်းရင်းမြစ်များ

DANIEL 4:2

Akuoi in moibog mongonguman kon inta mokoherang bo mujizat inta ain pinomia i Allah Inta Totok in moḷantud kon inakó.

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

MATIUS 16:1

Kon tua namangoidon intau mita in Parisi bo Saduki sin monungkuḷ kon i Yesus takin mopoigum sinbá Sia mopoontong in tanda kon i monia nongkon soroga.

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MATIUS 27:42

“Sia moposaḷamat kon intau ibanea, táe awak-Nea tontaní diá koposaḷamatan-Nea! Sia Datu in Israel, aka Sia moponag nongkon kayu pinoyotaḻempang tatua yo kami in mopirisayabí kon i-Nia.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

LUKAS 10:18

Dá ki Yesus in noguman kon i monia, “Akuoi in nokoontong kon Ibilis noḷabú nongkon ḷangit naonda bo kilat.

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

YOHANES 15:24

Aka kuma kon yua-yuak monia bo Akuoi in diápa nogaid kon soaḷ mita inta diápa kon dodai in onda inaidan in intau, yo mosia in diábí binaradosa. Táe tanaa mosia ain nokoontong kon onu inta ain pinomia-Ku, bo mosia in mosaturu kon i-Nakó andeka kon i Amá-Ku.

YOHANES 2:18

Tongá itoi mita in Yahudi moḷawang kon i-Nia, mosia in noguman kon i Yesus, “Onu in motaau poontong-Mu kon inami saḷaku tanda kon oyúon in hak-Mu in mogaid kon ná tanaa.”

YOHANES 20:29

Dá ki Yesus in noguman kon inia, “Iko in nopirisaya popisí in inontongmudon toh? Kosanangdon totok in mosia inta umpaka diá nokoontong táe nopirisaya kon i-Nakó!”

YOHANES 4:49

Táe pogawai komaḻig tatua in noguman, “Tuang, ḷagidon angoi bá diápa matoi in ki adíku.”

OUMAN IN RASUL MITA 14:3

Manangka intua ki Paulus bo ki Barnabas in nogutun noḻin onggot kon tua. Bo umuranbí nobarani in mosia in nongonguman kon soaḷ ki Tuhan. Dá pinoniatadon i Tuhan kon habar inta pinotaau monia soaḷ totabi-Nea tatua in totuubí; mosia in inogoian-Neadon in kawasa mogaid kon soaḷ mita inta mokoherang bo inta diá komampuan in intau aidan.

OUMAN IN RASUL MITA 15:12

Dá bayongan in intau inta noyosipun kon tua komintan in nongoibió. Bo umurandon inindongogan monia in onu inta inouman i Barnabas bo i Paulus tua. Mosia in nongonguman kon bayongan tanda inta totok in mokoherang kon intau, inta ain inaidan i Allah kon i monia kon yua-yuak in intau inta deeman Yahudi.

OUMAN IN RASUL MITA 2:19

Bo Akuoi in mogaid kon oaidan mita inta totok in mokoherang kon ḷangit, bo tanda mita kon butá naa; bo oyúonbí in dugú bo tuḷu bo poyok mobunod.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

OUMAN IN RASUL MITA 2:43

Nobayongdon totok in soaḷ mita mokoherang inaidan in rasul mita tatua sahingga in mopia in gina monia bo moondok doman.

OUMAN IN RASUL MITA 4:30

Tuḷungaipa in kami sinbá intau mita nongotakit modait mopia bo onu inta diá motaau aidan in intau, yo mobaḻí sin kawasa bo ropot inta pinodoyon kon tangoi i Yesus, simpaḷ-Mu inta ain piniḻí-Mu tua.”

OUMAN IN RASUL MITA 5:12

Bo nobayong doman in soaḷ mita inta mokoherang in inaidan in rasul mita tatua kon sigad in intau moantó kon tua. Komintan intau inta nopirisayadon in umuran moyosipun kon tampat inta sinangoian serambi Salomo bo umuran doman motobatú kon gina.

OUMAN IN RASUL MITA 6:8

Ki Stepanus naa in intaubí inta totok in binarakatan i Allah. Moantó totok in soaḷ inta mokoherang in inaidannea kon sigad in intau moantó.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

KORINTUS 1 1:22

Intau mita in Yahudi mopoigum in aid mita inta mokoherang saḷaku bukti, bo intau in Yunani mopoontong in kapandoian monia.

KORINTUS 2 12:12

Bayongan inta mokoherang, inta diá mita in poḻiu tua bo oaidan inta moḷoben, takin kasabaran moḷoben pinoontongdon bá ontongon doman monimu kon akuoi naa in totu-totuubí rasul.

TESALONIKA 2 2:9

Intau moraat tatua in mamangoi takin kawasa moḷoben nongkon Ibilis. Intau tatua in mogaid doman kon bayongan oaidan inta mokoherang bo inta mongotoyang táe nopuḻing in uboḷ.

IBRANI 2:4

Koḻikud intua, iniropotan doman i Allah in bayongan inta ain inouman in intau mita tatua takin nopoontong in noyagi-yagimai aid inta mokoherang totok kon intau bo soaḷ mita inta diá in poḻiuan bo poḷat nosila-silai mako kon onu inta pinonotabi in Roho i Allah podudui in ibog-Nea tontaní.