YOHANES 4:45 - Alkitab Singog In Mongondow Masa In Tanaa

⁴⁵ Táe naonda in Sia noiyaputmai in Galilea, intau mita in nonontomu kon i-Nia takin sanang in Gina, sin wakutu in Singgai Moḷoben Paska kon Yerusalem, inontongdon monia in bayongan inta pinomia i Yesus.

YOHANES 4:45 ပူးပေါင်းရင်းမြစ်များ

LUKAS 13:1

Kon wakutu intua oyúon intau in nongonguman kon i Yesus soaḷ intau mita in Galilea, inta dugú monia pinoyobauk i Pilatus in dugú in mahaḷuk inta pinosumba monia kon i Allah.

LUKAS 8:40

Naonda in ki Yesus nobui mangoi, Sia sinontomu intau in mobayong takin pia in gina, sin mosia in dongkadon mogoḷat mako kon i-Nia.

LUKAS 9:53

Táe intau mita in Samaria doí motarima kon koangoian i Yesus, sin noniatadon totok kon Sia nopobayá ná Yerusalem.

YOHANES 2:23

Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 4:54

Tua in tanda mokoherang induanea inta pinomia i Yesus kon Galilea naonda in Sia nongkon Yudea.

ULANGAN 16:16

Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba