YOHANES 4:40 - Alkitab Singog In Mongondow Masa In Tanaa

⁴⁰ Dá naonda in intau mita in Samaria mita tatua noyodungkuḷ i Yesus, mosia in nopoigum totok sinbá, mogutunpa in Sia takin monia. Dá ki Yesus in nogutunpa kon tua takin i monia doyowa nosinggai.

YOHANES 4:40 ပူးပေါင်းရင်းမြစ်များ

KINOBAḺIAN 32:26

Bo intau tatua in noguman, “Pomayádon mako akuoi mayá, sin mobayagdon in naa.” Ki Yakub in notubag, “Diábí pomayáku mako in ki Tuang tongá mayá mako natua, koḻikudbí in aka ki Tuang momarakatdon kon inakó.”

AMSAL 4:13

Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.

DONDONG MOḶANTUD 3:4

Bagupa sinaḷáanku in mosia, noyodungkuḷkudon in batoḷ in dodobku. Kinadaianku in sia, bo diádon inukatanku nodapot in diniaku kon baḷoi i ináku, kon gopot in intau inta nopononggadí kon inakó.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

LUKAS 10:39

Ki Marta naa oyúon in ki utatnea bobay doman inta tangoinea in ki Maria. Ki Maria naa iḻimitú mako kon diug i Yesus bo mokidongogmai kon onu in singogon-Nea.

LUKAS 24:29

táe sinahangdon monia in Sia, takin noguman, “Pongandupa kon tampat nami naa sin aindon modoḷom.” Dá nongandupdon in Sia bo nogogai takin monia kon tua.

LUKAS 8:38

Intau inta ain sinaḷaan in dimukud mita moraat tatua nopoigum kon i Yesus sinbá ogoi in sia tumakin kon i Yesus. Táe pinotabá i Yesus in sia takin koyow nanaa,

YOHANES 4:39

Nobayong in intau in Samaria inta nogutun kon kotá tatua in nopirisaya kon i Yesus popisí in nokodongog kon ouman in bobay tatua. Sin bobay tatua in noguman, “Sia in noguman kon inakó kon bayongan inta ain pinomiaku.”

YOHANES 4:41

Bo nodugangdon nobayong in intau nopirisaya kon i Yesus sin nokodongogdon tontaní kon totundú-Nea.

YOHANES 4:43

Naonda in doyowadon nosinggai in nogutun kon Sikhar, minayádon in ki Yesus kon Galilea.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

OUMAN IN RASUL MITA 8:8

Dá totok nopia-pia in gina in intau mita kon kotá in Samaria tatua.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.