YOHANES 4:32 - Alkitab Singog In Mongondow Masa In Tanaa

³² Táe ki Yesus in notubag, “Kon i-Nakó oyúon in kaanon inta diá kinotaauan monimu.”

YOHANES 4:32 ပူးပေါင်းရင်းမြစ်များ

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 119:103

Totuu mopia in tosingogon-Mu, noiḻiu kon koromimit in biluk!

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 18:20

Bayongan in tosingogon mita inta siningog oyúonbí in bungai inta korasaan.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YOHANES 4:31

Dodai intua murí-Nea mita in nonongganutdon kon i Yesus nongaan. “Pak Guru,” kai monia, “Mongaandon.”

YOHANES 4:33

Dá murí-Nea mita in nosiḻibóandon, nanaa “Degá oyúondon intau in nogatod mangoi kon kaanon kon i-Nia?”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”