YOHANES 4:3 - Alkitab Singog In Mongondow Masa In Tanaa

³ Naonda in kinotaauan i Yesus kon tua komintan dinongogdon in intau mita in Parisi, dá Sia in minayá nongkon Yudea bo nobuidon kon Galilea.

YOHANES 4:3 ပူးပေါင်းရင်းမြစ်များ

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

MARKUS 3:7

Noiduduimai kon tua, ki Yesus takin murí-Nea mita sinimípa bo nopobayá in Danow Galilea. Táe nobayong totok in intau nongkon Galilea in dinumudui kon i Yesus. Nobayong doman in namangoi nongkon Yudea,

LUKAS 17:11

Kon bonu in binayáan mopobayá in Yerusalem, ki Yesus nongin daḷan inta kon sigad in Samaria bo Galilea.

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

YOHANES 10:40

Onda intua ki Yesus in bui minayá kon ḷoḷan Ongkag in Yordan. Ongkag inta pinobaptisan i Yohanes koḻipod, bo ki Yesus in nogutunpa kon tua.

YOHANES 11:54

Tuamai ki Yesus in diádon minayá kon sigad in intau mobayong inta kon sigad in intau Yahudi. Sia in nonaḷámaidon kon Yudea, bo minayá in kotá in Epraim inta kon diug in padang gurun. Sia in nogutun kon tua takin murí-Nea mita.

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 3:22

Nopaḷut mako kon tua ki Yesus bo murí-Nea mita minayá in Yudea. Bo ki Yesus in nogutunpa kon tua noyotakin monia tongonumai nosinggai bo nobaptis.

YOHANES 3:32

Sia in nongonguman kon soaḷ inta inontong bo dinongog-Neadon, táe diá tobatúmai in intau in mopirisaya kon onu in inouman-Nea.

YOHANES 4:47

Naonda in dinongognea kon ki Yesus in nongkon Yudea namangoidon in Galilea, dá sia in minayádon kon i Yesus nopoigum sinbá mamangoipa in Kapernaum bo mongundam kon i adínea inta dongkadon oḷaton.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.