YOHANES 4:15 - Alkitab Singog In Mongondow Masa In Tanaa

¹⁵ Guman in bobay tatua, “Tuang, ogoiaidon in akuoi in tubig tatua, sinbá diádon moyoga-yogang in akuoi; bo diáka bidon mopobui-buimai kon naa sin monangkob.”

YOHANES 4:15 ပူးပေါင်းရင်းမြစ်များ

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

YOHANES 4:16

Guman i Yesus kon inia, “Bayádon bo oiní in ki buḷoimu mamangoi in naa.”

YOHANES 6:26

Tubag i Yesus, “Totuubí kon moiko in notayak kon i-Nakó deemanbí popisí in kinomangaḻeandon monimu in makusud in inta mokoherang mita pinomia-Ku, táe popisíbí in moiko nongaandon nodapot in nobotug.

YOHANES 6:34

Dá mosia in noguman, “Pak Guru, umurandon ogoiai in roti tatua in kami.”

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

SURAT I PAULUS KON JAMAAT RUM 8:5

Intau mita inta nobiag podudui in tabiat intau, umuran morai kon onu inta kinoibog in awak naa. Táe intau mita inta nobiag podudui ibog in Roho i Allah, umuran morai kon onu inta kinoibog in Roho i Allah.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

YAKOBUS 4:3

Bo umpaka ain noigum in moiko, táe diábí doman mokouḻí in moiko, sin noitaḷá in tujuan pinoigumanmu; sin onu inta inigum monimu tua in tongábí kasanangan monimu tontaní.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.