YOHANES 4:14 - Alkitab Singog In Mongondow Masa In Tanaa

¹⁴ táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 4:14 ပူးပေါင်းရင်းမြစ်များ

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

YEHEZKIEL 47:9

Kon ondaka in koiḻigan in ongkag tanaa, kon tua doman in noyagi-yagimai in toyá bo mahaḷuk mita ibanea. Tubig in Laut Mati baḻíonnea moḻiau, bo kon ondakabí in koiḻigan in tubig tatua, yo kon tua oyúon in kobiagan.

IMAMAT 11:36

Koḻikudbí in bokaká ande parigí, yo aka ibanea mako in mobaḻíbí monajis aka koḷabúan in mahaḷuk inta minatoidon tatua.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

YOHANES 11:26

Bo intau nobiag inta mopirisaya kon i-Nakó in mobiagbí mononoi. Mopirisaya degá in iko kon singog-Ku tatua?”

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

YOHANES 4:11

Dá bobay tatua in noguman doman, “Diá in totayuk i Tuang bo nodaḷom totok in parigí tanaa. Kon ondabí in kouḻían i Tuang kon tubig inta mokobiag tua?

YOHANES 4:13

Dá kai Yesus doman, “Intau inta monginum kon tubig tanaa in buipabí moyogang,

YOHANES 4:36

Bo tanaapabí doman mako bo intau inta mokokoyut tua in motarima kon tondan in pinogaidannea bo mosipundon kon bungai in kobiagan mopia bo inta mononoi. Dá intau inta nomuḷa bo inta nokoyut tumpaḷabí moḷunganga in gina.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.

WAHYU 7:16

Mosia in diá bidon mokorasa kon gogoyon ande moyogang. Mata in singgai ande patúnea in diá bidon mokopokak kon i monia.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”