YOHANES 3:36 - Alkitab Singog In Mongondow Masa In Tanaa

³⁶ Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

YOHANES 3:36 ပူးပေါင်းရင်းမြစ်များ

AYUB 33:28

Inimaḷowan i Allah in akuoi in mayá kon dunia in intau minatoi, dá nobiagpa in akuoi in tanaa.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

MAZMUR 49:19

Nodapot in aka intau tobatú nobiag nokouḻí kon kobiagannea, bo dinuí-duí popisí in inta nouḻínea,

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

LUKAS 3:6

Sinbá komintan intau mokoontong kon i Allah moposaḷamat kon bayongan intau!’ ”

YOHANES 1:12

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 4:36

Bo tanaapabí doman mako bo intau inta mokokoyut tua in motarima kon tondan in pinogaidannea bo mosipundon kon bungai in kobiagan mopia bo inta mononoi. Dá intau inta nomuḷa bo inta nokoyut tumpaḷabí moḷunganga in gina.

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

YOHANES 8:51

Naa in poguman-Ku kon i monimu, inta dumudui kon singog-Ku, sia in diá bidon kawasaan in popatoi.”

OUMAN IN RASUL MITA 14:2

Táe intau mita in Yahudi inta doí mopirisaya, totokdon in mopongaru kon intau mita inta deeman Yahudi, dá nomukádon yaat in gina i intau mita tatua kon bayongan intau inta mopirisaya kon i Yesus.

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

SURAT I PAULUS KON JAMAAT RUM 5:9

Masa in naa kita in noyodamedon bui takin i Allah inta pinongin kinopatoian i Kristus; manangka intua nopastibí kon posaḷamatonbí i Kristus in kita nongkon hukuman i Allah.

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

TESALONIKA 1 5:9

Piniḻí i Allah in kita, deemanbí bá oyúon in hukumon, táe bá posaḷamaton i Tuhan naton ki Yesus Kristus.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

IBRANI 3:18

Bo ki ine doman degá in pinopomakusudan i Allah in ibot-Nea nanaa: “Mosia tua in diábí moituot kon butá tatua bo mogogai moyotakin-Ku” Tantú intaubí mita inta nomarontakdon kon i Allah?

IBRANI 3:19

Tanaa in kinotaauandon naton kon mosia tua in diábí, moituot, sin diá mopirisaya in mosia kon i Allah.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”