YOHANES 3:34 - Alkitab Singog In Mongondow Masa In Tanaa

³⁴ Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

YOHANES 3:34 ပူးပေါင်းရင်းမြစ်များ

DATU MITA 2 2:9

Naonda in noiyaput in ḷoḷan, ki Elia in noguman kon i Elisa, “Igumdon onu in koibogmu kon inakó kon dodai in diápa diaan mamonik i Tuhan in akuoi bo monaḷámaidon kon inimu!” Ki Elisa in notubag, “Ogoidon kon inakó in kawasa i Amá, sinbá akuoi in mobaḻídon toḻiu i Amá.”

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

IMAMAT 7:35

Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

PINOGIAPAN 11:25

Bo ki Tuhan namangoi kon bonu in goḷom bo noguman kon i Musa. Ki Tuhan nogamá kon kawasa ibanea inta inogoi-Neadon kon i Musa bo inogoi-Nea kon itoi pitu nopuḷú tatua. Naonda in Roho i Tuhan tatua mamangoi kon i monia, nomangkoidon in mosia nosingog naonda bo nabi, táe diá noonggot.

MATIUS 12:18

“Indoiaika, tua in simpaḷ-Ku inta piniḻí-Ku, Bo inta kinotabi-Ku, inta kinosanang in gina-Ku, Roho-Ku in ogoi-Ku kon i-Nia, bo sia in mopotaau in atorang kon bayongan intau.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

YOHANES 1:16

Moḷoben totok in tabi-Nea; diá in gogainea Sia in momarakat kon i naton.

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 5:26

Ná ki Amá nobaḻí pangkoi in kobiagan, dá binaḻí-Nea doman in Adí pangkoi in kobiagan.

YOHANES 7:16

Ki Yesus in notubag, “Onu in sinundú-Ku naa in deemanbí totundú-Ku, táe totundúbí i-Nia inta nopotabá mangoi kon i-Nakó.

YOHANES 8:40

Akuoi in mopotaau in onu in totuu kon inimu inta ain dinongog-Ku nongkon i Allah, táe ḷongasion monimu ḻimodon in Akuoi. Ki Abraham in diábí mogaid kon natua!

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

KOLOSE 1:19

Ibogbí i Allah tontaní in mopooyúon kon bayongan in yagi-yagi kon i-Nia, bo bayongan tua oyúon domandon kon i Adí-Nea.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,