YOHANES 3:33 - Alkitab Singog In Mongondow Masa In Tanaa

³³ Sin intau inta mopirisaya kon onu inta inouman-Nea tatua, akúonneabí kon ki Allah tua in mobanar.

YOHANES 3:33 ပူးပေါင်းရင်းမြစ်များ

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

YOHANES 8:26

Mobayongpabí in musti poguman-Ku bo hakimon-Ku soaḷ moiko nion. Táe Sia inta nopotabá kon i-Nakó in diábí mouboḷ. Bo Akuoi in mopotaau kon dunia naa onu inta dinongog-Ku nongkon i-Nia.”

SURAT I PAULUS KON JAMAAT RUM 15:28

Aka mopaḷutkudon in oaidan tanaa bo posarakankudon kon i monia inta kon Yerusalem in totuḷung inta ain sinipunku tua, dá akuoi in mayádon in Spanyol bo mongin kotámu.

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

KORINTUS 1 9:2

Umpaka intau ibanea in diá mopirisaya kon akuoi in rasul, táe moiko in nopirisayabí. Sin buktinea moiko in nobaḻídon intau Keresten.

KORINTUS 2 1:18

Totuu uḻe! Podoyon kon i Allah inta motaau pirisayaan, dandiku kon i monimu in deemanbí soaḷ “Oo” andeka “Diá”.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

EPESUS 1:13

Moiko nion aindon nobaḻí umat i Allah wakutu in moiko nokodongog kon koyow i Allah. Koyow tatua in Habarbí Mopia inta mobogoi in kasaḷamatan kon i monimu. Moiko in nopirisaya kon i Yesus Kristus, tuamai sinontandáan-Neadon in moiko saḷaku kapunyaan-Nea. Tanda-Nea tatua in Rohobí mokudus inta pinodandi-Nea.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

IBRANI 6:17

Ki Allah in moibog mopoyakin bui kon intau mita inta motarima kon dandi-Nea kon diábí baḷuian-Nea in tomayá-Nea tatua. Manangka intua Sia in nongibot bui.

YOHANES 1 1:10

Táe aka kita in moguman kon kita naa in diá kotaḷá, dá inanggapdon naton kon ki Allah tua in naonda bo mouboḷ, bo onu inta siningog-Nea diádon sinagú mako naton kon bonu in gina.