YOHANES 3:32 - Alkitab Singog In Mongondow Masa In Tanaa

³² Sia in nongonguman kon soaḷ inta inontong bo dinongog-Neadon, táe diá tobatúmai in intau in mopirisaya kon onu in inouman-Nea.

YOHANES 3:32 ပူးပေါင်းရင်းမြစ်များ

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 53:1

Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

MATIUS 7:8

Sin pomuḷoi in intau inta moigum motarima; bo intau inta motayak in mokouḻí; bo intau inta monangkokó, pobukatan kon ḷoḻingkop.

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 3:11

Pirisayadon: Kami in mosingog kon onu inta kinotaauan nami, bo tongábí doman onu inta ain inontong nami tua in potaau nami; táe moiko in doí motarima kon onu in pinotaau nami.

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

YOHANES 3:33

Sin intau inta mopirisaya kon onu inta inouman-Nea tatua, akúonneabí kon ki Allah tua in mobanar.

YOHANES 5:20

Sin motabibí in ki Amá kon Adí bo poontong-Neabí kon i-Nia in bayongan inta inaidan-Nea tontaní. Modapotbí in poontong i Amá kon i-Nia in oaidan mita inta moḷobe-ḷoben nongkon oaidan mita tatua, dá moiko in moherangdon.

YOHANES 8:26

Mobayongpabí in musti poguman-Ku bo hakimon-Ku soaḷ moiko nion. Táe Sia inta nopotabá kon i-Nakó in diábí mouboḷ. Bo Akuoi in mopotaau kon dunia naa onu inta dinongog-Ku nongkon i-Nia.”