YOHANES 3:27 - Alkitab Singog In Mongondow Masa In Tanaa

²⁷ Ki Yohanes in notubag, “Diábí in tobatúmai intau in mokouḻí kon onu bo onu sin pakéonnea tontaní, aka deeman ki Allah in nobogoi kon inia.

YOHANES 3:27 ပူးပေါင်းရင်းမြစ်များ

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

AMOS 7:15

Táe ki Tuhan in nogamá kon inakó nongkon pogogaidanku, bo nopotabá kon inakó nopotaau in koyow-Nea kon intau in Israel.

PINOGIAPAN 17:5

Tungkud in intau inta piḻíon-Ku in momoḻimping. Natuata in Akuoi mopogogai in amui mita in intau mita inta umuran mongunsingog kon i monimu.”

MATIUS 21:25

Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’

MATIUS 25:15

Inta tobatú inogoiannea in ḻima noribu in doit buḷawan, tobatú inogoiannea in doyowa noribu, bo inta tobatú inogoiannea in toribu. Sia in nobogoi natua kon i monia pinodudui in komampuan monia tontaní. Nopaḷut mako nobogoi kon tua, sia minayá.

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

YOHANES 10:41

Nobayong intau in namangoi kon i-Nia. Mosia in noguman, “Ki Yohanes in diábí nomia kon soaḷ mita inta mokoherang, táe bayongan inta pinogumannea soaḷ intau tanaa in totuubí.”

YOHANES 6:65

Bo ki Yesus in bui noguman, “Tuamai Akuoi in mopotaaudon kon inimu, diábí tobatúmai in intau in motaau mamangoi kon i-Nakó, aka diá kinoibog i Amá.”

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

SURAT I PAULUS KON JAMAAT RUM 12:6

Kita in inogoianbí in totabi inta noyo-noyoposi. Totabi mita tatua in inogoi i Allah kon i naton pinoduduibí kon ibog-Nea. Manangka intua onu inta pinonotabi tatua in mustibí pakéon naton. Intau inta nokouḻí kon totabi mopohabar in habar nongkon i Allah, mustibí mopohabar in habar nongkon i Allah podudui in komampuannea.

KORINTUS 1 1:1

Utat mita jamaat i Allah kon Korintus! Moiko inoinídon i Allah mobaḻí umat-Nea sin moiko kapunyaan i Kristus Yesus, moyotakin in bayongan intau nongkon ondakadon inta nosumba kon i Tuhan naton ki Yesus Kristus, ki Tuhan monia bo ki Tuhan naton doman. Akuoi ki Paulus, bo ki utat naton ki Sostenes, mopoigum mako sinbá ki Allah, Amá naton bo ki Tuhan Yesus Kristus in umuran mobogoi in barakat bo kobiagan motompia kon i monimu. Akuoi in nomais kon surat tanaa saḷakubí rasul i Kristus Yesus inta inoiní i Allah tontaní podudui in ibog-Nea.

KORINTUS 1 12:11

Tua komintan in tongábí inaidan in Roho i Allah tobatú tatua; pomuḷoi in intau in mokouḻíbí kon totabi noyo-noyoposimai poduduibí ibog in Roho tatua.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 3:5

Sabanarnea ki inebí in ki Apolos andeka ki Paulus tua? Bá kotaauan monimu, kami naa in tongábí intau mita inta nogaid kon oaidan i Allah inta mopoyaput in Habar Mopia kon i monimu sinbá mopirisayadon in moiko kon i Kristus. Kami naa in tongábí mopobayá in oaidan inta pinoki aid i Tuhan kon inami.

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

GALATIA 1:1

Utatku mita jamaat i Allah inta kon Galatia. Akuoi ki Paulus takin bayongan utat naton intau Keresten inta koyota-yotakinku, moharap mako sinbá ki Allah, ki Amá naton bo ki Tuhan Yesus Kristus in umuran mako mobogoi in barakat bo totabi kon i monimu komintan. Akuoi naa in nobaḻí rasul deemanbí ibog in intau andeka intau in nopobaḻí kon inakó, táe ki Yesus Kristusbí bo ki Allah inta ki Amá naton, inta nomiag doman bui kon i-Nia nongkon sigad in intau minatoi.

EPESUS 1:1

Umat i Allah kon Epesus, inta motoindudui kon i Kristus Yesus!

TIMOTIUS 1 2:7

Dá tuamai akuoi in pinotabá-Nea mayá kon yua-yuak in intau mita inta deeman Yahudi sin mopoyaput in habar mopia inta mobanar nongkon i Allah. Onu inta pinogumanku naa in totuubí, deemanbí uboḷ.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.