YOHANES 21:5 - Alkitab Singog In Mongondow Masa In Tanaa

⁵ Ki Yesus in noḻibó kon i monia, “Adí-Ku mita, oyúon degá in toyá kon i monimu?” “Diá,” tubag monia.

YOHANES 21:5 ပူးပေါင်းရင်းမြစ်များ

DATU MITA IMITÁNEA 19:6

Ki Elia in nobobui magí mako, bo kinoontonganneadon kon oyúon in roti sinubá takin tampat in tubig inta kon bonu in tubig kon uḷuanneamai. Dá nongaan bo nonginumdon in sia, bo bui inumuḻid.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MATIUS 14:15

Naonda in singgai noungkoḷomdon, murí-Nea mita namangoi kon i-Nia, bo noguman, “Tampat tanaa noitontaní bo singgai noungkoḷomdon, dá pokipobuiaidon in intau mita tanion sinbá mosia mayá motaḷui kon kaanon kon ḻipú mita.”

MARKUS 8:7

Kon i monia oyúon doman in toyá nongoaḷus. Ginamá i Yesus in toyá tatua bo nosukur kon i Allah bodongka pinoki sila-silai-Nea doman magí-mako kon murí-Nea mita tatua.

PILIPI 4:19

Ki Allah inta sinumbaku, mobogoibí in bayongan kaparaḷuanmu podudui in kaoyúonan bo kamuliaan-Nea inta pinoniata kon i Kristus Yesus.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

YOHANES 1 2:13

Pinaisku in naa kon i monimu, Amá mita, sin moiko in nonotaaudon kon i-Nia inta oyúondon nongkon pinomangkoianpamai. Pinaisku in naa kon i monimu, intau mita inta nongobagupa, sin sinaḷowdon monimu in ki Inta Moraat.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.