YOHANES 21:23 - Alkitab Singog In Mongondow Masa In Tanaa

²³ Dá noisiardon in habar kon sigad in dumodudui mita i Yesus, kon murí-Nea tatua in diábí mato-matoi. Bokaka diábí in ki Yesus noguman, kon diá matoi in murí-Nea tatua, ki Yesus in tongábí noguman, “Aka moibog in Akuoi kon sia in umuranpa mobiag modapot in Akuoi mamangoi bui, yo tua in deemanbí iko in kitogi totaau.”

YOHANES 21:23 ပူးပေါင်းရင်းမြစ်များ

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

OUMAN IN RASUL MITA 1:15

Kon singgai tobatú wakutu in mosia noyosipun, degá mogatutmai bodoyowá nopuḷú in intau, dá ki Petrus in sinimindog kon yua-yuak monia tua bo nosingog, kainia,

OUMAN IN RASUL MITA 28:14

Kon tua kami noyodungkuḷ in jamaat mita. Bo kami in inoinípa monia nogutun kon tua noyotakin monia pitu nosinggai. Naonda intua kami in minayádon in Rum.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

KORINTUS 1 11:26

Sin pomuḷoi in moiko mokaan kon roti tanaa bo monginum kon anggur tanaa, tua in mangaḻenea moiko in mopotaaudon in kinopatoian i Tuhan, modapot in mamangoi bui in Sia.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.

WAHYU 2:25

Táe dapot Akuoi in mamangoidon bui, moiko in musti dumudui kon onu inta aindon sinundú-Ku kon i monimu.