YOHANES 21:20 - Alkitab Singog In Mongondow Masa In Tanaa

²⁰ Wakutu in ki Petrus nobobui, sia in nokoontong kon tumineamai in murí inta totok in kinotabi i Yesus. (Sia tua inta iḻimitú kon diug i Yesus kon wakutu in nongaan bo sia doman inta noḻibó kon i Yesus, “Ki ine in moposarakan kon i-Nia?”)

YOHANES 21:20 ပူးပေါင်းရင်းမြစ်များ

MATIUS 26:46

Pobangondon, bo igai mayádon in kita. Sin inta moposarakan kon i-Nakó in nodiugdon!”

YOHANES 20:2

Dá noribatuk in sia bo minayá notayak kon i Simon Petrus bo kon murí inta kinotabi totok i Yesus, bo noguman, “Ki Tuhan in ginamádon in intau nongkon poḷoḷobongan. Diá kinotaauanku mongo sinagú monia kon onda.”

YOHANES 21:21

Nokoontongmai kon inia, ki Petrus in noḻibó kon i Yesus, “Tuhan, naonda in sia naa?”

YOHANES 21:24

Murí tatuata inta nobogoi in kosakusian kon soaḷ mita inta ain nobaḻí tanaa. Sia domandon tatua inta ain nomais kon naa. Bo kinotaauanbí naton kon onu in pinogumannea tatua in totuubí.

YOHANES 21:7

Dá murí inta totok in kinotabi i Yesus in noguman kon i Petrus, “Ki Tuhan intua!” Naonda in kinotaauan i Petrus kon ki Tuhan intua, nogiḷambungdon in sia (sin diá nogiḷambung in sia) bo iḷumabú in sia kon tubig.