YOHANES 20:24 - Alkitab Singog In Mongondow Masa In Tanaa

²⁴ Ki Tomas (inta dinonoi ki “Apang”), tobatú murí inta kon sigad in murí-Nea mopuḷú bodoyowá tua in diá koyota-yotakin monia dodai in ki Yesus namangoi.

YOHANES 20:24 ပူးပေါင်းရင်းမြစ်များ

MATIUS 10:3

Ki Pilipus bo ki Bartolomeus, ki Tomas bo ki Matius inta mononagi kon pajak, ki Yakobus ki adí i Alpeus, ki Tadeus;

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

YOHANES 11:16

Ki Tomas inta dinonoi “ki Apang” noguman kon yobayatnea mita inta murí mita i Yesus, “Koḻigai dumudui in kita, biar kita matoi moyotakin-Nea!”

YOHANES 14:5

Bo ki Tomas in noguman kon i Yesus, “Tuhan, diá kotaauan nami mongo kon onda in bayáan i Tuhan, yo naondabí in kotaauan nami in daḷannea?”

YOHANES 21:2

Kon singgai tobatú, ki Simon Petrus, ki Tomas inta donoionmai “Apang”. ki Natanael inta nongkon Kana kon Galilea, ki adí mita i Zebedeus, bo murí doman mita i Yesus taya dua in namangoi noyosipun.

YOHANES 6:70

Ki Yesus in notubag: “Kinotaauan bidon monimu kon Akuoibí in nomiḻí kon i monimu mopuḷú bodoyowá naa? Tongá tobatú kon sigad monimu nion in kinawasa in Ibilis!”

YOHANES 6:71

Ki Yudas ki adí i Simon Iskariot i makusud i Yesus tatua. Sin ki Yudasbí tuata in moposarakan kon i Yesus, umpaka sia in murí doman i Yesus inta kon sigad in murí-Nea mopuḷú bodoyowá.

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.