YOHANES 20:22 - Alkitab Singog In Mongondow Masa In Tanaa

²² Nosingog mako natua, Sia in nopoirupdon in tompot-Nea kon i monia bo noguman, “Tarimadon in Roho i Allah.

YOHANES 20:22 ပူးပေါင်းရင်းမြစ်များ

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

AYUB 33:4

Roho i Allah in nomaḻí kon inakó, bo nobogoi in kobiagan kon inakó.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

YEHEZKIEL 37:9

Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 20:21

Bo ki Yesus in noguman kon i monia bui, “Salam dodamean bo kobiagan motompia kon i monimu. Ná ki Amá nopotabá kon i-Nakó, yo natua doman in Akuoi mopotabá kon i monimu.”

YOHANES 20:23

Aka moiko in mongampung kon dosa in tobatú intau, yo ampungan doman i Allah in sia. Aka diá ampungan monimu in dosa in tobatú intau, dá diábí doman ampungan i Allah in sia.”

YOHANES 7:39

Ki Yesus in nongonguman kon soaḷ Roho i Allah, inta bain tarimaan in intau mita inta mopirisaya kon i-Nia. Sin wakutu intua Roho i Allah in diápa inogoi; sin ki Yesus in diápa pinomulia.)

OUMAN IN RASUL MITA 10:47

“Indoiaika, intau mita tanaa in kinawasa domandon in Roho i Allah naonda doman bo kita. Dá motaaupa degá intau moḷamboi kon i monia in baptison tubig?”

OUMAN IN RASUL MITA 19:2

Ki Paulus in noḻibó kon i monia, “Notarimadon degá in moiko kon Roho i Allah kon wakutu in moiko nopirisaya kon i Yesus?” Mosia in notubag, “Diápa. Ka diápabí kon dodai onda in dinongog nami kon oyúonbí in Roho i Allah.”

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

OUMAN IN RASUL MITA 4:8

Bo takin kawasa in Roho i Allah, ki Petrus in notubag, “Tuang mita inta nobaḻí itoi mita in bangusa bo tuang mita inta anggota mita in sidang!

OUMAN IN RASUL MITA 8:15

Naonda in noiyaputmai kon tua in taya dua, sinambayangan monia in jamaat tatua sinbá tantú kawasaan in Roho i Allah,

GALATIA 3:2

Oyúonpa in ḻibóonku kon i monimu: Degá moiko nion in notarima kon Roho i Allah sin dinumudui kon hukum i Musa, andeka nokodongogdon in moiko kon Habar Mopia nongkon i Allah bodongka nopirisayadon kon i Kristus?