YOHANES 20:20 - Alkitab Singog In Mongondow Masa In Tanaa

²⁰ Nosingog mako kon natua, pinoontong-Nea in ḻima bo sian-Nea kon i monia. Nopia totok in gina monia naonda in nokoontong kon i Tuhan.

YOHANES 20:20 ပူးပေါင်းရင်းမြစ်များ

MATIUS 28:8

Mosia ḷagi minayá nongkon poḷoḷobongan tatua, takin ondok bo pia in gina. Mosia noribatuk in minayá nopotaau kon murí mita i Yesus.

YOHANES 16:20

Poguman-Kudon kon i monimu, moiko nion in mongombaḷbí bo mogamui, táe mopiabí in gina in dunia naa. Morobonoḷbí in gina monimu, táe robonoḷ in gina monimu tua in mobaḷuibí ḷunganga in gina.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

YOHANES 19:34

Táe sian i Yesus sinakuḷ in tobatú tontara in ginubat; dá iḷumuaidon in dugú bo tubig.

YOHANES 20:25

Dá murí mita i Yesus ibanea in noguman kon i Tomas, “Kami ain nokoontong kon i Tuhan!” Táe ki Tomas in notubag: “Aka diápa ontongonku tontaní in paḷot in pakú kon ḻima-Nea bo kon sian-Nea tua, yo totokbí in diá mopirisaya in akuoi.”

YOHANES 20:27

Noiduduimai kon tua, ki Yesus in noguman kon i Tomas, “Indoiaidon in ḻima-Ku, bo popoturakdon kon naa in tononuyúmu. Tonggó magí in ḻimamu bo popotudakdon kon sian-Ku. Dikadon moḻia-ḻiaw in gina, táe popirisayadon!”

YOHANES 1 1:1

Tombonu in surat tanaa in soaḷbí Pirman inta mobogoi in kobiagan, Sia tua in Pirman inta koyongan bidon oyúon nongkon pinomangkoianpamai. Pirman tatua ain inontong bo ain doman kinadaian nami tontaní.